ວັນທີ 1 ມີນາ, ທ່ານລັດຖະມົນຕີການຕ່າງປະເທດ ຈີນ ຫວ່າງອີ ໄດ້ມີການໂອ້ລົມທາງໂທລະສັບກັບທ່ານລັດຖະມົນຕີການຕ່າງປະເທດ ລັດເຊຍ Sergey Lavrov ຕາມການສະເໜີຈາກຝ່າຍລັດເຊຍ ເພື່ອແລກປ່ຽນກ່ຽວກັບສະພາບການອີຣານໃນປັດຈຸບັນ.
ທ່ານຫວ່າງອີ ໃຫ້ຮູ້ວ່າ ດ້ວຍການຊຸກຍູ້ຂອງຈີນ ແລະ ລັດເຊຍ, ສະພາຄວາມໝັ້ນຄົງ ສປຊ ໃນວັນທີ 28 ກຸມພາ ໄດ້ດຳເນີນໂດຍດ່ວນກ່ຽວກັບສະພາບການອີຣານ. ຈີນ ໄດ້ມີຄວາມສະເໝີຕົ້ນສະເໝີປາຍ ປະຕິບັດຕາມບັນດາເປົ້າໝາຍ ແລະ ຫຼັກການຂອງ ກົດບັດ ສປຊ. ຕາມທ່ານ ຫວ່າງອີແລ້ວ, ເລື່ອງ ອາເມລິກາ ແລະ ອິດສະລາແອັນ ດຳເນີນການບຸກໂຈມຕີ ອີຣານ ໃນວິວັດການເຈລະຈາ ລະຫວ່າງ ອາເມລິກາ ແລະ ອີຣານ ແມ່ນບໍ່ອາດຍອມຮັບໄດ້; ການກະທຳເຂັ່ນຂ້າການນຳຂອງປະເທດທີ່ມີອະທິປະໄຕ ແລະ ຍູ້ແຮງການປ່ຽນແປງລະບອບແມ່ນບໍ່ອາດຍອມຮັບໄດ້, ລະເມີດກົດໝາຍສາກົນ ແລະ ບັນດາມາດຖານພື້ນຖານຂອງການພົວພັນສາກົນ. ທ່ານ ຫວ່າງອີ ຊີ້ແຈ້ງຫຼັກໝັ້ນຂອງ ຈີນ ລວມມີ 3 ທັດສະນະ: ບັນດາຝ່າຍທີ່ກ່ຽວຂ້ອງຕ້ອງຢຸດຕິການກະທຳດ້ານການທະຫານຢ່າງທັນທີ, ສະກັດກັ້ນການປະທະກັນແຜ່ລາມໃນວົງກວ້າງ ແລະ ລື່ນກາຍການຄວບຄຸມ, ກັບຄືນສູ່ການໂອ້ລົມ ແລະ ເຈລະຈາໂດຍໄວ; ຄັດຄ້ານການກະທຳແບບພຽງລຳພັງຝ່າຍດຽວ.
ສ່ວນທ່ານ ລັດຖະມົນຕີການຕ່າງປະເທດ ລັດເຊຍ ຖືວ່າ ບັນດາການບຸກໂຈມຕີດ້ານການທະຫານຂອງ ອາເມລິກາ ແລະ ອິດສະລາແອັນ ເລັ່ງໃສ່ ອີຣານ ກໍ່ຜົນເສຍຫາຍຢ່າງຮ້າຍແຮງຕໍ່ສະຖຽນລະພາບຂອງພາກພື້ນຕາເວັນອອກກາງ.
