“ຕີລາຄາຜົນກະທົບ, ປະສິດທິຜົນຂອງບັນດາວາລະສົນທະນາຫາລືກ່ຽວກັບການປ້ອງກັນ, ຕ້ານໄພສໍ້ລາດບັງຫຼວງທີ່ມີຕໍ່ວຽກງານປ້ອງກັນ, ຕ້ານໄພສໍ້ລາດບັງຫຼວງ ຢູ່ຫວຽດນາມ” ແມ່ນຫົວຂໍ້ຂອງການສົນທະນາຫາລືກ່ຽວກັບການປ້ອງກັນ, ຕ້ານໄພສໍ້ລາດບັງຫຼວງຄັ້ງທີ 10 ຖືກຈັດຂຶ້ນໃນຕອນເຊົ້າວັນທີ 29/11 ຢູ່ ຮ່າໂນ້ຍ.
ແຕ່ປີ 2007 ມາຮອດປະຈຸບັນ, ປະຕິບັດສັນຍາລະຫວ່າງລັດຖະບານຫວຽດນາມ ແລະ ບັນດານັກອຸປະຖຳສາກົນ, ຫວຽດນາມໄດ້ຈັດຕັ້ງ 9 ວາລະສົນທະນາຫາລືກ່ຽວກັບການປ້ອງກັນ, ຕ້ານໄພສໍ້ລາດບັງຫຼວງດ້ວຍຫົວຂໍ້ຕ່າງໆສຳເລັດຜົນ. ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟູກ ຢືນຢັນວ່າ: “ຫວຽດນາມພວມມານະພະຍາຍາມຜ່ານຜ່າການທ້າທາຍຫຼາຍຢ່າງເພື່ອພັດທະນາ. ພວກຂ້າພະເຈົ້າກໍ່ຮັບຮູ້ຢ່າງຈະແຈ້ງວ່າ: ໜຶ່ງໃນບັນດາສິ່ງກີດຂວາງ, ການທ້າທາຍທີ່ມີຕໍ່ການພັດທະນາຂອງຫວຍດນາມແມ່ນບັນຫາໄພສໍ້ລາດບັງຫຼວງ. ທີ່ການສົນທະນາຫາລືຄັ້ງນີ້, ວົງຄະນະຍາດສາກົນຈະມີຂໍ້ມູນຂ່າວຢ່າງຄົບຖ້ວນ ກ່ຽວກັບແຜນນະໂຍບາຍ, ນະໂຍບາຍ, ກົດໝາຍຂອງຫວຽດນາມທີ່ກ່ຽວຂ້ອງເຖິງການປ້ອງກັນ, ຕ້ານໄພສໍ້ລາດບັງຫຼວງ. ບັນດາອົງການຂອງລັດຖະບານກໍ່ຈະຮັບຟັງ ແລະ ຍາມໃດກໍ່ ເຄົາລົບຕໍ່ ການປະກອບສ່ວນບັນດາການແບ່ງປັນ, ບັນດາຂໍ້ລິເລີ່ມ, ບົດຮຽນ ແລະ ຂໍ້ສະເໜີແນະຂອງບັນດາຄູ່ຮ່ວມມື, ເພື່ອນມິດສາກົນ ເພື່ອສະກັດກັ້ນ ແລະ ຍູ້ໃຫ້ໄພສໍ້ລາດບັງຫຼວງໃຫ້ຖອຍໄປ”.
