ການາດາ ປະກາດບ້ວງເງິນອຸປະຖຳໜູນຊ່ວຍມະນຸດສະທຳສຳລັບ ກຸຍບາ

ບ້ວງເງິນໜູນຊ່ວຍນີ້ຈະໄດ້ຜັນຂະຫຍາຍຜ່ານບັນດາອົງການຂອງສະຫະປະຊາຊາດ (ພາບປະກອບ: REUTERS/Norlys Perez)

        ວັນທີ 25 ກຸມພາ, ລັດຖະບານ ການາດາ ຖະແຫຼງສະໜອງບ້ວງເງິນອຸປະຖຳໜູນຊ່ວຍມະນຸດສະທຳທີ່ມີມູນຄ່າ 6,7 ລ້ານ USD ເພື່ອແນໃສ່ໜູນຊ່ວຍປະຊາຊົນ ກຸຍບາ ຮັບມືກັບວິກິດການທີ່ແກ່ຍາວຍ້ອນຂາດແຫຼ່ງທັນຍາຫານ ແລະ ພະລັງງານ.

        ໃນຖະແຫຼງການຮ່ວມ, ທ່ານ Anita Anand, ລັດຖະມົນຕີການຕ່າງປະເທດ  ການາດາ ແລະ ທ່ານ Randeep Sarai, ລັດຖະມົນຕີຜູ້ຮັບຜິດຊອບການພັດທະນາສາກົນ ໃຫ້ຮູ້ວ່າ ບ້ວງເງິນໜູນຊ່ວຍນີ້ຈະໄດ້ຜັນຂະຫຍາຍຜ່ານບັນດາອົງການຂອງສະຫະປະຊາຊາດ, ແທນທີ່ສົ່ງໂດຍກົງໃຫ້ອຳນາດການປົກຄອງ ກຸຍບາ. ບ້ວງເງິນອຸປະຖຳນີ້ສຸມໃສ່ສະໜອງທັນຍາຫານ ແລະ ບັນດາເຄື່ອງທີ່ຈຳເປັນເປັນຕົ້ນ.

        ປະຈຸບັນ, ກຸຍບາ ພຽງແຕ່ສະໜອງເຊື້ອເພີງດ້ວຍຕົນເອງຢູ່ພາຍໃນປະເທດໄດ້ປະມານ 40% ຂອງຄວາມຕ້ອງການເທົ່ານັ້ນ ແລະ ສ່ວນຫຼາຍແມ່ນອີງໃສ່ການນຳເຂົ້າ.