 (ພາບປະກອບ: Getty) |
ເນື້ອໃນຂອງມະຕິສະບັບດັ່ງກ່າວ ໄດ້ຊົມເຊີຍຜູ້ຕາງໜ້າບັນດາປະເທດ ອາຊຽນ ທີ່ມາເຂົ້າຮ່ວມກອງປະຊຸມຂັ້ນສູງ ພິເສດ ອາເມລິກາ - ອາຊຽນ ຄັ້ງທຳອິດທີ່ໄດ້ຈັດຂຶ້ນຢູ່ນະຄອນຫຼວງ ວໍຊິງຕັນ; ຢັ້ງຢືນອີກເທື່ອໜຶ່ງກ່ຽວກັບຄວາມສຳຄັນຂອງການແຊກແຊງເສດຖະກິດ ລະຫວ່າງ ອາເມລິກາ - ອາຊຽນ; ໜູນຊ່ວຍ ອາຊຽນ ແກ້ໄຂສິ່ງທ້າທາຍຢູ່ທະເລ; ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງເຖິງການຂັດແຍ່ງຢູ່ທະເລໃນພາກພື້ນ ຢຸດຕິການເຄື່ອນໄຫວທີ່ອາດຈະສົ່ງຜົນກະທົບບໍ່ດີຕໍ່ສະຖຽນລະພາບ, ເຮັດໃຫ້ການຂັດແຍ່ງສັບສົນ, ຫັນບັນດາໝູ່ເກາະ, ເກາະຫີນປອດການທະຫານ, ຄັດຄ້ານການກະທຳບໍ່ວ່າຂອງປະເທດໃດ ທີ່ແນໃສ່ກີດຂວາງການປະຕິບັດສິດອະທິປະໄຕຕໍ່ຊັບພະຍາກອນຢູ່ເຂດເສດຖະກິດພິເສດ ແລະ ໄຫຼ່ທະວີບຂອງປະເທດອື່ນ; ຄັດຄ້ານການຖະແຫຼງກໍ່ສ້າງເຂດບໍລິຫານ, ການທະຫານຢູ່ເຂດທີ່ກຳລັງເກີດການຂັດແຍ່ງຢູ່ທະເລຕາເວັນອອກ… ມະຕິສະບັບດັ່ງກ່າວກໍສະໜັບສະໜູນຄວາມປຸກບືນຂອງບັນດາຄູ່ຮ່ວມມື ແລະ ສຳພັນທະມິດຂອງ ອາເມລິກາ ຢູ່ພາກພື້ນ ອາຊຽນ ໃນການຍົກສູງກຳລັງຄວາມສາມາດຢູ່ທະເລ, ຮັບປະກັນຄວາມເສລີໃນການເດີນເຮືອ, ສະໜັບສະໜູນຄູ່ຮ່ວມມືແມ່ນ້ຳຂອງ - ອາເມລິກາ. ມະຕິກໍຮຽກຮ້ອງໃຫ້ບັນດາປະເທດເຄົາລົບອະທິປະໄຕ, ຜືນແຜ່ນດິນອັນຄົບຖ້ວນ ແລະ ຄັດຄ້ານການຜັນແປດ້ານການເມືອງ, ການປະທະກັນ ແລະ ການນຳໃຊ້ສົງຄາມເຂົ້າໃນການແກ້ໄຂບັນຫາການຂັດແຍ່ງ.
