ປີ 2012, ຂະແໜງສິນໃນນ້ຳຫວຽດນາມວາງຈຸດໝາຍການສົ່ງອອກບັນລຸ 6,5 ຕື້ໂດລາສະຫະລັດ. ຕາມສະຫະສະມາຄົມປຸງແຕ່ງ ແລະສົ່ງອອກສິນໃນນ້ຳຫວຽດນາມ (ວາແຊບ) ແລ້ວ, ປີນີ້ ແຫຼ່ງກຸ້ງດິບ ແລະປາຈາຈະເປັນປົກກະຕິ ແຕ່ແຫຼ່ງສິນໃນນ້ຳຍາກທີ່ຈະເພີ່ມຂຶ້ນໄດ້ ຍ້ອນປະສົບກັບຄວາມຫຍຸ້ງຍາກຄື: ແຫຼ່ງປະໂຫຍດ, ດິນຟ້າອາກາດ ແລະຄ່າໃຊ້ຈາຍຕ່າງໆ. ທ່ານເຈືອງດີ່ງເຮ່ວ ເລຂາທິການ ສະຫະສະມາຄົມປຸງແຕ່ງ ແລະສົ່ງອອກສິນໃນນ້ຳຫວຽດນາມໃຫ້ຮູ້ວ່າ: “ບັນດາລາຍການຂອງພວກຂ້າພະເຈົ້າຈະສຸມໃສ່ລົງທຶນໃນປີນີ້ ກ່ອນອື່ນໝົດແມ່ນເພື່ອແກ້ໄຂບັນຫາວັດຖຸດິບ, ຍຸ້ແຮງການນຳໃຊ້ວິທະຍາສາດເຕັກໂນໂລຊີ, ຮັບປະກັນຄຸນນະພາບວັດຖຸດິບ. ກ່ຽວກັບດ້ານຕະຫຼາດ ຈະຈັດບັນດາການເຄື່ອນໄຫວໂຄສະນາສິນໃນນ້ຳຫວຽດນາມ ຕາມທິດປອດໄພ ແລະຮັບປະກັນສິ່ງແວດລ້ອມ, ຊ່ວຍໃຫ້ຜູ້ບໍລິໂພກ, ອຸປະໂພກຢູ່ປະເທດຕ່າງໆເລືອກເຟັ້ນ ແລະນຳໃຊ້ຜະລິດຕະພັນສິນໃນນ້ຳຂອງຫວຽດນາມ”.
