](vovworld) – ສູນພົວພັນສາກົນ (CSM) ຂອງໂປໂລຍ ຫາກໍ່ຈັດຕັ້ງກອງປະຊຸມສຳມະນາກ່ຽວກັບສະພາບການຢູ່ທະເລຕາເວັນອອກ ຢູ່ Warsaw. ເຂົ້າຮ່ວມກອງປະຊຸມສຳມະນາມີຜູ້ຕາງໜ້າກະຊວງການຕ່າງປະເທດ ໂປໂລຍ, ສະຖານທູດບັນດາປະເທດ ອາຊຽນ, ລັດເຊຍ, ຍີ່ປຸ່ນ ປະຈຳ ໂປໂລຍ ພ້ອມກັບນັກຊ່ຽວຊານຄົ້ນຄ້ວາກ່ຽວກັບພາກພື້ນອາຊີ - ປາຊີຟິກ ຫຼາຍທ່ານ ແລະ ບັນດານັກຂ່າວຂອງສຳນັກຂ່າວສານຂອງ ໂປໂລຍບາງແຫ່ງ. ທີ່ກອງປະຊຸມສຳມະນາ, ທ່ານ Michal Kolodziejski, ຫົວໜ້າກົມ ອາຊີ - ປາຊີຟິກ ຂຶ້ນກັບກະຊວງການຕ່າງປະເທດ ໂປໂລຍ, ຖະແຫຼງວ່າຫຼັກໝັ້ນຂອງ ໂປໂລຍ ແມ່ນປາດຖະໜາຢາກ ບັນດາຝ່າຍທີ່ມີການຂັດແຍ້ງຮັກສາສະຖຽນລະພາບຢູ່ພາກພື້ນ, ແກ້ໄຂບັນດາການຂັດແຍ້ງກັນໂດຍຜ່ານກົດໝາຍສາກົນດ້ວຍບັນດາມາດຕະການສັນຕິພາບ, ຫຼີກລ້ຽງບັນດາການກະທຳພຽງລຳພັງຝ່າຍດຽວກໍ່ຄວາມເຄັ່ງຕຶງຢູ່ທະເລຕາເວັນອອກ. ທ່ານເອກອັກຄະລັດຖະທູດ ມາເລເຊຍ Admad Fadil Shasuddin ກໍ່ສະແດງການສະໜັບສະໜູນທັດສະນະແກ້ໄຂບັນຫາທະເລຕາເວັນອອກດ້ວຍກົດໝາຍສາກົນບົນພື້ນຖານສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982. ກໍ່ທີ່ກອງປະຊຸມສຳມະນາ, ບັນດາຜູ້ແທນຖືວ່າບັນດາປະເທດໃຫຍ່ຄວນສືບຕໍ່ຊຸກຍູ້ວິວັດທະນາການແກ້ໄຂການຂັດແຍ້ງກັນຢູ່ທະເລຕາເວັນອອກ, ຮັບປະກັນຮັກສາສັນຕິພາບ, ສະຖຽນລະພາບຢູ່ພາກພື້ນນີ້.
