 ພິທີໄຂງານວາງສະແດງ “ທຽນກວາງ” ຢູ່ວັນໝຽວກວັກຕື໋ຢ໊າມ |
ບັນດາຜະລິດຕະພັນທີ່ນຳມາວາງສະແດງທີ່ງານວາງສະແດງ “ທຽນກວາງ” ໄດ້ວາດພາບເຖິງການພັດທະນາຂອງບັນດາໝູ່ບ້ານອາຊີບທີ່ມີຊື່ສຽງຄື ອາຊີບຕ່ຳແພໄໝ, ອາຊີບຫຍິບປັກທັກແສ່ວ, ອາຊີບຫຼໍ່ທອງ, ອາຊີບຕີເຫຼັກ, ອາຊີບຕີເງິນຄຳ, ອາຊີບເຮັດເຄື່ອງເຟີນີເຈີ… ຂອງ ທັງລອງ ເມື່ອກ່ອນນີ້. ນາງ ຫງວຽນທິຢວຽນ ຜູ້ມາຊົມງານວາງສະແດງໃຫ້ຮູ້ວ່າ:
“ເມື່ອຍ່າງເຂົ້າໄປ, ຂ້າພະເຈົ້າເຫັນບັນດາຮູບແຕ້ມໃສ່ແຜ່ນຮູບວົງມົນປຽບເໝືອນພາເຂົ້າ. ຕໍ່ມາແມ່ນກີ່ຕ່ຳຫູກ ແລ້ວກໍ່ແມ່ນລະບົບໂຄມໄຟ, ດອກໄຟແລັດ ແຕ່ຖືກເຮັດດ້ວຍຢາງກົມໂປສິດ. ຂ້າພະເຈົ້າຮູ້ສຶກມີຄວາມໃໝ່ອ່ຽມ ແລະ ປະທັບໃຈທີ່ສຸດ”.
ງານວາງສະແດງ “ທຽນກວາງ” ມີຄວາມໝາຍວ່າ ແສງສະຫວ່າງຈາກແດນສະຫວັນ, ງານວາງສະແດງມີຄວາມດຶງດູດໃຈເປັນພິເສດດ້ວຍການປະສານສົມທົບຢ່າງກົມກຽວ ລະຫວ່າງວັດສະດຸໄດ້ສ້າງຂຶ້ນຜະລິດຕະພັນສິລະປະກຳຈັດວາງ ແລະ ແສງສະຫວ່າງ. ມາຊົມງານວາງສະແດງ, ນາງ ຟ້າມແທັງຕວຽນ ເປີດເຜີຍວ່າ:
“ຂ້າພະເຈົ້າເຫັນວ່າ ເຂດວາງສະແດງແມ່ນເປັນໜ້າຈັບໃຈທີ່ສຸດ. ບັນດານັກສິລະປະໄດ້ນຳແສງສະຫວ່າງສົມທົບກັບບັນດາຜະລິດຕະພັນກໍ່ເປັນໜ້າຈັບໃຈທີ່ສຸດ. ຂ້າພະເຈົ້າຮູ້ສຶກປະທັບໃຈກ່ຽວກັບວິທີຈັດວາງ ແລະ ວິທີສະແດງຜະລິດຕະພັນແຕ່ລະຢ່າງກໍ່ມີຄວາມເປັນເອກະລັກສະເພາະ”.
ດ້ວຍແນວຄວາມຄິດຢາກເຊີດຊູຮູບພາບຂອງງແມ່ຍິງ ຫວຽດນາມ ຜ່ານສັນຍາລັກເຮືອແພໄໝ ແລະ ຟັກຫຼອກ, ຈິດຕິກອນ ຟາມມິງແບັກ ແລະ ຮ່າຟ້າມ ໄດ້ມີການສົມທົບກັນ ເພື່ອສ້າງຜະລິດຕະພັນສິລະປະກຳທີ່ມີຊື່ວ່າ ຢອດແຮ້ງ - ເຕີຫວ່າງ”. ຈິດຕະກອນ ຟາມມິງແບັກ ເປີດເຜີຍວ່າ:
“ຜະລິດຕະພັນນີ້ ໃສ່ຊື່ວ່າ ຢອກແຮ້ງ - ເຕີຫວ່າງ” ມີຄວາມໝາຍວ່າ ຢາກເວົ້າເຖິງຄວາມດຸໝັ່ນຂະຫຍັນພຽນຄວາມມານະອົດທົນອອກແຮງງານຂອງແມ່ຍິງຫວຽດນາມ ດ້ວຍອາຊີບປູກມອນລ້ຽງມ້ອນຕ່ຳແພໄໝ,ສາວໄໝຕະຫຼອດຮອດ ການຕ່ຳແພໄໝ ພ້ອມທັງເວົ້າເຖິງຄຸນຄ່າຂອງຜ້າໄໝ ຫວຽດນາມ”.
ໃນຂະນັ້ນ ນັກສະຖາປະນິກ - ນັກປະຕິມາກອນ ຫງວຽນເຈື່ອງຢາງ ມີແນວຄວາມຄິດຈາກການພັດທະນາຂອງໝູ່ບ້ານຜະລິດເຄື່ອງປັ້ນດິນເຜົາ ເພື່ອສ້າງຜະລິດຕະພັນ “ທຽນດັງ” ດ້້ວຍການປະກອບຂອງໂຄມໄຟ ຫຼາຍກວ່າ 40 ໜ່ວຍຖືກເຮັດດ້ວຍເຄື່ອງປັ້ນດິນເຜົາ ແລະ ໂຮມເຂົ້າກັນເປັນຮູບວົງມົນຢ່າງບໍ່ຂາດສາຍ ມີການເຄື່ອນເໜັງຢ່າງບໍ່ສິ້ນສຸດ. ຫງວຽນເຈື່ອງຢາງ ເປີດເຜີຍວ່າ:
“ຜະລິດຕະພັນທີ່ມີຊື່ວ່າ “ທຽນດັງ” ດັ່ງນັ້ນ ຂ້າພະເຈົ້າກໍ່ອີງໃສ່ເລື່ອງລາວທີ່ມາແຕ່ດົນນານຂອງ ຫວຽດນາມ. ຫວຽດນາມ ມີກົກໄມ້ໄຜ່ຮ້ອຍປ້ອງໃນເລື່ອງນິທານ. ກົກໄມ້ໄຜ່ຮ້ອຍປ້ອງ ດັ່ງນັ້ນກໍ່ສາມາດຂະຫຍາຍຂຶ້ນສູງທີ່ສຸດ ແລະ ສາມາດປະສານສົມທົບກັບວັດສະດຸຫຼາຍຢ່າງ ເພື່ອສະແດງໃຫ້ເຫັນເລື່ອງລາວແສງສະຫວ່າງຂອງມັນ”.
ດ້ວຍບັນດາຜະລິດຕະພັນສິລະປະກຳສະແດງໃຫ້ເຫັນບັນດາອາຊີບຫັດຖະກຳທີ່ມີຊື່ສຽງຂອງດິນແດນ ທັງລອງ ເມື່ອກ່ອນນີ້,ງານວາງສະແດງໄດ້ປະສົບຜົນສຳເລັດ ເມື່ອເຊີດຊູບັນດາໝູ່ບ້ານອາຊີບທີ່ໄດ້ສ້າງເປັນຄຸ້ມຖະໜົນ 36 ສາຍ ເຊິ່ງເປັນສັນຍາລັກຂອງດິນແດນ ທັງລອງ ໃນຕະຫຼອດໄລຍະປະຫວັດສາດນັບພັນປີ. ຜ່ານນັ້ນກໍ່ເປັນການສຶກສາອົບຮົມໄວໝຸ່ມມີຄວາມຮັກຕໍ່ມໍລະດົກວັດທະນະທຳ ແລະ ປະຫວັດສາດ.
