ຊາວຫວຽດນາມອາໄສຢູ່ຕ່າງປະເທດ ເຂົ້າຮ່ວມງານພົບປະຕ້ອນຮັບບຸນປີໃໝ່ປະຈຳຊາດ 2012
ຕອນບ່າຍວັນທີ 7/1, ຊາວຫວຽດນາມ ເກືອບ 600 ຄົນຈາກປະເທດຕ່າງໆທີ່ກັບເມືອບ້ານເກີດເມືອງນອນຕ້ອນຮັບບຸນປີໃໝ່ປະຈຳຊາດ ໄດ້ເຂົ້າຮ່ວມງານພົບປະຊາວຫວຽດນາມອາໄສຢູ່ຕ່າງປະເທດໃນໂອກາດບຸນປີໃໝ່ ປີ ມະໂຮງ 2012 ດ້ວຍຫົວຂໍ້ວ່າ ”ຊາວຫວຽດນາມອາໄສຢູ່ຕ່າງປະເທດ - ຂົວຕໍ່ເຄື່ອງໝາຍຫວຽດນາມ”. ງານພົບປະໂດຍຄະນະກຳມະການແນວໂຮມປະເທດຊາດຫວຽດນາມ ນະຄອນ ໂຮ່ຈີມິນ ແລະສະມາຄົມຕິດຕໍ່ພົວພັນກັບຊາວຫວຽດນາມອາໄສຢູ່ຕ່າງປະເທດຈັດຕັ້ງຂຶ້ນ ນີ້ແມ່ນໂອກາດເພື່ອໃຫ້ຊາວຫວຽດນາມອາໄສຢູ່ຕ່າງປະເທດ ພົບປະ, ແລກປ່ຽນ ແລະ ຕ້ອນຮັບບຸນປີໃໝ່ປະຈຳຊາດໃນບ້ານເກີດເມືອງນອນ ດ້ວຍລາຍການສະແດງສິລະປະ, ຟ້ອນສິງໂຕ, ສຳພັດກັບອາຫານຫວຽດນາມ…. ນີ້ກໍ່ແມ່ນໂອກາດເພື່ອໃຫ້ບັນດາວິສາຫະກິດຂອງຊາວຫວຽດນາມອາໄສຢູ່ຕ່າງປະເທດ ໂຄສະນາຜະລິດຕະພັນ, ພົບປະກັບຄູ່ຮ່ວມມື, ແລກປ່ຽນບົດຮຽນໃນການຜະລິດ ດຳເນີນທຸລະກິດ ແລະ ສົ່ງອອກ, ດ້ວຍຈຸດໝາຍນຳຜະລິດຕະພັນ ແລະເຄື່ອງໝາຍການຄ້າຫວຽດນາມເຖິງປະຊາຄົມຊາວຫວຽດນາມຢູ່ຕ່າງປະເທດເວົ້າສະເພາະ ແລະຕະຫຼາດປະເທດຕ່າງໆຢູ່ໃນໂລກເວົ້າລວມ.
