 ທ່ານ Arnaud Ginolin ຜູ້ອຳນວຍການຝ່າຍບໍລິຫານທັງເປັນຄູ່ຮ່ວມມື, ຫົວໜ້າຫົວພາກສ່ວນຂົງເຂດພາກລັດ, ກຸ່ມບໍລິສັດໃຫ້ຄຳປຶກສາ Boston Consulting Group (BCG) (ພາບ: doanhnghieptiepthi.vn) |
AI ໄດ້ກຳນົດຢ່າງຈະແຈ້ງວ່າແມ່ນເສົາຄ້ຳຍຸດທະສາດແຫ່ງຊາດຂອງ ຫວຽດນາມ ແມ່ນກຳລັງໜູນຊຸກຍູ້ການເຕີບໂຕເສດຖະກິດແບບຍືນຍົງ.
ຢູ່ພິທີປະກາດບົດລາຍງານພື້ນຖານເສດຖະກິດ AI ຫວຽດນາມ ໃນ 6 ເດືອນຜ່ານມາ, ທ່ານ Arnaud Ginolin ຜູ້ອຳນວຍການຝ່າຍບໍລິຫານທັງເປັນຄູ່ຮ່ວມມື, ຫົວໜ້າຫົວພາກສ່ວນຂົງເຂດພາກລັດ, ກຸ່ມບໍລິສັດໃຫ້ຄຳປຶກສາ Boston Consulting Group (BCG) ເນັ້ນໜັກວ່າ:
ຢູ່ຫວຽດນາມ, AI ພວມຢູ່ໃນໄລຍະເບື້ອງຕົ້ນຂອງການພັດທະນາແຕ່ພວມມີການພັດທະນາຢ່າງແຮງ, ໄດ້ຮັບຄວາມຫວັງຈະກາຍເປັນກຳລັງໜູນຊຸກຍູ້ການເຕີບໂຕເສດຖະກິດແບບຍືນຍົງຢູ່ ຫວຽດນາມ. ຄວາມໄວໃນການເຕີບໂຕນີ້ອາດສາມາດບັນລຸ 120 ຕື້ USD ໃນປີ 2045, ກວມເອົາປະມານ 25% GDP. ນີ້ແມ່ນໂອກາດສຳຄັນເພື່ອໃຫ້ ຫວຽດນາມ ໝູນໃຊ້ຄວາມສາມາດບົ່ມຊ້ອນຂອງ AI ຢ່າງມີປະສິດທິຜົນ ແລະ ຢັ້ງຢືນຖານະບົດບາດຂອງປະເທດຊາດໃນພື້ນຖານເສດຖະກິດທົ່ວໂລກ.
ຫວຽດນາມ ໄດ້ປະກາດໃຊ້ຫຼາຍນະໂຍບາຍເພື່ອແນໃສ່ຊຸກຍູ້ພື້ນຖານເສດຖະກິດ AI, ໃນນັ້ນເອົາໃຈໃສ່ເປັນພິເສດເຖິງການພັດທະນາແຫຼ່ງຊັບພະຍາກອນມະນຸດ. ແຜນການດຶງດູດນັກຊ່ຽວຊານເກັ່ງ 100 ຄົນໃນຂົງເຂດ AI ຂອງກະຊວງວິທະຍາສາດ ແລະ ເຕັກໂນໂລຢີແມ່ນບາດກ້າວຍຸດທະສາດ, ບໍ່ພຽງແຕ່ແກ້ໄຂບັນຫາບົດຮຽນຂາດເຂີນບຸກຄະລາກອນທີ່ມີຄຸນນະພາບສູງໃນຂົງເຂດ AI ເທົ່ານັ້ນ ຫາກຍັງກຳນົດທິດໄລຍະຍາວໃຫ້ແກ່ການສ້າງລະບົບນິເວດ AI ຮອບດ້ານ, ເປັນເຈົ້າການຢູ່ ຫວຽດນາມ. ທ່ານນາງ ຟ້າມທິງອກຖຸຍ, ຄະນະຄົ້ນຄ້ວາພັດທະນາເສດຖະກິດເອກະຊົນ ຖືວ່າ:
ແຜນການສ້າງສະພາບແວດລ້ອມເຮັດແນວໃດໃຫ້ລັດ ແລະ ວິສາຫະກິດພ້ອມກັນວາງອອກບັນດາບັນຫາຕົວຈິງໃຫ້ແກ່ນະວັດຕະກຳ ແລະ ປັນຍາປະດິດ. ບັນດານັກວິທະຍາສາດ, ນັກຊ່ຽວຊານ, ອົງການຈັດຕັ້ງວິທະຍາສາດຮັບໃບສັ່ງສິນຄ້າ ກໍ່ມີເຄື່ອງມື, ກົນໄກການເງິນຢ່າງພຽງພໍເພື່ອປະຕິບັດ, ຜ່ານຜ່າຈຸດອຸດຕັນບົນເສັ້ນທາງແຕ່ຫ້ອງທົດລອງໄປຮອດໂຮງງານ.
ແຜນການໄດ້ສ້າງດ້ວຍລະບົບບັນດາໜ້າທີ່ລະອຽດ, ລວມມີນະໂຍບາຍ, ການຄົ້ນຄ້ວາ, ມາດຕະຖານດ້ານເຕັກນິກຈົນຮອດການບຳລຸງສ້າງ ແລະ ການໝູນໃຊ້ເຕັກໂນໂລຢີໃນບັນດາຂົງເຂດທີ່ຈຳເປັນ. ພິເສດ, ແຜນການວາງອອກບັນດາເປົ້າໝາຍສ້າງຮູບແບບພາສາຂະໜາດໃຫຍ່ເປັນພາສາຫວຽດ, ມີຄວາມສາມາດເຂົ້າໃຈເອກະສານຢ່າງເລິກເຊິ່ງໃນບັນດາຂົງເຂດຄື: ກົດໝາຍ, ການເງິນ - ບັນຊີ, ພາສີ, ກະສິກຳ, ວັດທະນະທຳ, ປະຫວັດສາດ…
ພ້ອມກັນນັ້ນ ແຜນການກໍ່ກຳນົດບັນດາໜ້າທີ່ຍຸດທະສາດ ຄື: ການສ້າງພື້ນຖານຂໍ້ມູນນັກຊ່ຽວຊານ AI ແຫ່ງຊາດ, ສ້າງມາດຕະຖານ, ຂໍ້ກຳນົດ ແລະ ກອບນິຕິກຳດ້ານເຕັກນິກກ່ຽວກັບ AI, ຮັບປະກັນການພັດທະນາແບບຍືນຍົງ, ມີການກຳນົດທິດຢ່າງຈະແຈ້ງ, ຄົ້ນຄ້ວາ ແລະ ພັດທະນາບັນດາຮູບແບບ AI Make in Vietnam ໃນບັນດາຂົງເຂດພາສາ, ຮູບພາບ, ດົນຕີ, ຂໍ້ມູນ.
 ງານວາງສະແດງກ່ຽວກັບ AI (ພາບ: doanhnghieptiepthi.vn) |
ບັນດາໜ້າທີ່ນີ້ຈະໄດ້ຈັດຂຶ້ນພາຍໃຕ້ຮູບແບບສັ່ງຈອງສິນຄ້າ ຫຼື ມອບໜ້າທີ່ຄົ້ນຄ້ວາວິທະຍາສາດ ແລະ ພັດທະນາເຕັກໂນໂລຢີ, ຮັບປະກັນລັກສະນະເຊື່ອມຕໍ່ຢ່າງແໜ້ນແຟ້ນລະຫວ່າງລັດ, ວິສາຫະກິດ ແລະ ບັນດາສະຖາບັນ, ໂຮງຮຽນໃນລະບົບນິເວດນະວັດຕະກຳ. ນະໂຍບາຍຈະແຈ້ງ, ກົນໄກໂປ່ງໄສໄດ້ສ້າງຄວາມດຶງດູດໃຈໃຫ້ແກ່ບັນດາຄູ່ຮ່ວມມືສາກົນ. ທ່ານ Sarim Aziz ຜູ້ອຳນວຍການນະໂຍບາຍສາທາລະນະ ຢູ່ກຸ່ມບໍລິສັດ Meta ຢັ້ງຢືນວ່າ:
ຂໍ້ລິເລີ່ມນີ້ແມ່ນເພື່ອແນໃສ່ຍົກສູງປະສິດທິຜົນ ແລະ ໝູນໃຊ້ເຕັກໂນໂລຢີ AI ຢູ່ ຫວຽດນາມ. ພວກຂ້າພະເຈົ້າຮັບປະກັນສິດເຂົ້າຄົ້ນຫາໂດຍບໍ່ເສຍຄ່າ ແລະ ງ່າຍດາຍໃຫ້ແກ່ບັນດານັກຄົ້ນຄ້ວາຢູ່ ຫວຽດນາມ, ບັນດານັກພັດທະນາ, ບໍລິສັດ Startup ແລະ ວິສາຫະກິດ ກໍຄືບັນດາຄູ່ຮ່ວມມືໃນໂລກທີ່ຢາກຮ່ວມມືກັບ ຫວຽດນາມ.
ໃນຂະນະນັ້ນ, ກໍ່ຕີລາຄາສູງຄວາມເປັນເຈົ້າການ ແລະ ຄວາມຕັດສິນໃຈຂອງ ຫວຽດນາມ ໃນການພັດທະນາລະບົບນິເວດ AI, ທ່ານ Anthony Annunziata ຜູ້ອຳນວຍການນະວັດຕະກຳຂອງ IBM, ໃຫ້ຂໍ້ສັງເກດວ່າ:
ຂ້າພະເຈົ້າຄິດວ່າ ຫວຽດນາມ ສວມບົດບາດແມ່ນປັດໄຈນຳໜ້າແຖວໜ້າໃນຂົງເຂດລະຫັດເປີດ (Open Source) AI. ບັນດາປັດໄຈພື້ນຖານກ່ຽວກັບເຕັກໂນໂລຢີ, ພື້ນຖານໂຄງລ່າງຈະແມ່ນເງື່ອນໄຂຢ່າງສະດວກໃຫ້ ຫວຽດນາມ ພັດທະນາ ແລະ ປະສົບຜົນສຳເລັດໃນຂົງເຂດນີ້.
