ໃນອາທິດຜ່ານມາ ລາຍການກະຈາຍສຽງພາກພາສາລາວ ວິທະຍຸກະຈາຍສຽງ ຫວຽດນາມ ໄດ້ຮັບຈົດໝາຍ, email, ແລະໂທລະສັບຈາກທ່ານຜູ້ຟັງທີ່ຝາກມາລາຍການ, ໃນນັ້ນໄດ້ສະແດງຄວາມສົນໃຈເຖິງບັນ ດາສະຖານທີ່ທ່ອງທ່ຽວທີ່ລືຊື່ຢູ່ນະຄອນໃຫຍ່ຈຳນວນໜຶ່ງຂອງຫວຽດນາມ. ໃນລາຍການໂອ້ລົມກັບເພື່ອນລາວພາກນີ້, ພວກເຮົາຂໍຕອບບາງຄຳຖາມ ເຊິ່ງທ່ານຜູ້ຟັງມີຄວາມສົນໃຈ. ເຊີນທ່ານຮັບຟັງ.
ເພື່ອນ ບົວຈັນ ເພງສະຫວັດຢູ່ແຂວງ ໄຊຍະບູລີ ໃຫ້ຮູ້ວ່າ. ຂ້າ ພະເຈົ້າໄດ້ຍີນວ່າ ນະຄອນ ຫາຍຝ່ອງ ແມ່ນນະຄອນທ່າກ່ຳປັ່ນ. ຫາຍຝ່ອງຍັງແມ່ນສະຖານທີ່ຕິດພັນກັບປະຫວັດສາດແຫ່ງການຕໍ່ສູ້ຕ້ານລ່າເມືອງຂຶ້ນ ຝລັ່ງ. ປະຈຸບັນ ທ່າກ່ຳປັ່ນ ຫາຍຝ່ອງ ແມ່ນແຫ່ງພັດທະນາເສດຖະກິດທີ່ຂະຫຍັນຂັນເຂື່ອນຢູ່ພາກເໜືອຫວຽດນາມ. ຜ່ານລາຍການຂ້າພະເຈົ້າຢາກຮູ້ຕື່ມອີກກ່ຽວກັບ ທ່າກ່ຳປັ່ນ ຫາຍຝ່ອງ.
ສ່ວນເພື່ອນ ວຽງສະຫວັນ ຢູ່ແຂວງ ອຸດົມໄຊ ກໍ່ຝາກຈົດໝາຍເຖິງລາຍການໂດຍແບ່ງປັນວ່າ: ປະຈຸບັນ ຂ້າພະເຈົ້າແມ່ນນັກສຶກສາລາວທີ່ພວມຮ່ຳຮຽນໃນພະແນກປະຫວັດສາດມະຫາວິທະຍາໄລ ວິທະຍາສາດ ສັງຄົມ ມະນຸດຊາດ. ກ່ານທີ່ຈະຊອກຮູ້ຫໍພິພິດທະພັນປະຫວັດສາດ ຫວຽດນາມ, ຂ້າພະເຈົ້າຂໍໃຫ້ທາງວິທະຍຸກະຈາຍສຽງພາກພາສາລາວແນະນຳໂດຍຫຍໍ້ກ່ຽວກັບຫໍພິພິດທະພັນດັ່ງກ່າວ ເພື່ອໃຫ້ການຄົ້ນຄ້ວາຂອງຂ້າພະເຈົ້າໄດ້ຮັບໝາກຜົນດີ.
ເພື່ອນ ວຽງສະຫວັນ ທີ່ຮັກແພງ! ຫໍພິພິດທະພັນ ປະຫວັດສາດ ຫວຽດນາມ ຕັ້າຢູ່ໄກ້ກັບໂຮງລະຄອນໃຫຍ່ຂອງນະຄອນຫຼວງ ຮ່າໂນ້ຍ, ປະຈຸບັນ, ຫໍພິພິດທະພັນ ໄດ້ວາງສະແດງວັດຖຸພັນຫຼາຍຢ່າງທີ່ມີຄຸນຄ່າໃນໄລຍະປະຫວັດສາດຕ່າງໆຂອງຫວຽດນາມ. ຫໍພິພິດທະພັນ ແມ່ນກິດຈະກຳ ສະຖາປັດຕະຍາກຳທີ່ສວຍງາມ ມີເນື້ອທີ່ວາງສະແດງ ກວ່າ 2000 ຕາລາງແມັດ. ເມື່ອມາຢ້ຽມຢາມຫໍພິພິດທະພັນປະຫວັດສາດ ຫວຽດນາມ, ເພື່ອນຈະມີໂອກາດຊອກຮູ້ປະຫວັດສາດຫວຽດນາມ ນັບແຕ່ສະໄໝກ່ອນປະຫວັດສາດ. ທຳອິດແມ່ນຫ້ອງວາງສະແດງແນະນຳບັນດາ ວັດຖຸພັນໃນສະໄໝກ່ອນປະຫວັດສາດ, ເຊິ່ງລວມມີວັດຖຸພັນນັບແຕ່ສະໄໝເຄື່ອງຫີນກ່ອນນີ້ນັບແສນປີ. ຕໍ່ຈາກນັ້ນແມ່ນຫ້ອງວາງສະແດງວັດຖຸພັນກ່ຽວກັບພື້ນຖານອະລິຍະທຳຂອງຊາວ ຫວຽດ ບູຮານໃນບັນດາສະໄໝເຈົ້າຊີວິດ ຮຸ່ງ. ບັນດາວັດຖຸພັນທີ່ວາງສະແດງຢູ່ທີ່ນີ້ແມ່ນອຸດົມສົມ ບູນ, ມັນຈະຊ່ວຍໃຫ້ຜູ້ຊົມເຫັນໄດ້ການພັດທະນາຢ່າງຕໍ່ເນື່ອງຂອງພື້ນ ຖານວັດທະນະທຳບູຮານຢູ່ຫວຽດນາມ. ພິເສດແມ່ນບັນດາວັດຖຸພັນ ທີ່ຂຶ້ນກັບພື້ນຖານວັດທະນະທຳ ດົງເຊີນ, ໃນນັ້ນມີກອງທອງທີ່ເປັນສັນຍາລັກ. ສຸດທ້າຍແມ່ນຫ້ອງວາງສະແດງກ່ຽວກັບໄຊຊະນະຂອງການປະຕິວັດເດືອນ 8/1945 ພ້ອມກັບວັດຖຸພັນອື່ນໆອີກຫຼາຍຢ່າງ. ມາຢ້ຽມຢາມຫໍພິພິດທະພັນປະຫວັດສາດຫວຽດນາມ ເພື່ອນຈະມີຄວາມເຂົ້າໃຈກວ່າກ່ຽວກັບປະຫວັດແຫ່ງການສ້າງສາ ແລະປົກປັກຮັກສາປະເທດຫວຽດນາມທີ່ມີມາແຕ່ດົນນານ.
ທ່ານຜູ້ຟັງທີ່ເຄົາລົບ! ຜ່ານການແນະນຳດັ່ງກ່າວຫວັງວ່າເພື່ອນບົວຈັນ ເພງສະຫວັດ ສາມາດມີຄວາມເຂົ້າໃຈຕື່ມກ່ຽວກັບນະຄອນ ທ່າກ່ຳປັ່ນ ຫາຍຝ່ອງ ກໍ່ຄືຊ່ວຍໃຫ້ເພື່ອນ ວຽງສະຫວັນ ມີຄວາມເຂົ້າໃຈກວ່າກ່ຽວກັບປະຫວັດສາດຂອງຫວຽດນາມ. ລາຍການກະຈາຍສຽງພາກພາສາລາວ ວິທະຍຸກະຈາຍສຽງຫວຽດນາມ ຂໍຂອບໃຈທ່ານຜູ້ຟັງທີ່ໄດ້ມີຄວາມເອົາໃຈໃສ່ ແລະ ຝາກຈົດໝາຍມາແບ່ງປັນ, ປະກອບຄວາມເຫັນໃຫ້ແກ່ລາຍການ ເພື່ອເຮັດໃຫ້ລາຍການນັບມື້ນັບມ່ວນກວ່າ.
