ພາບປະກອບ
( vovworld ) –ນັກຂ່າວວິທະຍຸກະຈາຍສຽງຫວຽດນາມ ປະຈຳອາເມລິກາ ລາຍງານວ່າ: ບັນດາເຈົ້າໜ້າທີ່ຂອງທະນາຄານໂລກປະກາດວ່າຈະແຕ່ງຕັ້ງປະທານຄົນໃໝ່ຂອງອົງການໃຫ້ກູ້ຢືມການເງິນທົ່ວໂລກນີ້ໃນເດືອນ 4 ທີ່ຈະມາເຖິງ. ໃນໄລຍະທີ່ຜ່ານມາ, ທ່ານ Robert Zoellick ປະທານທະນາຄານໂລກປະກາດວ່າ ທ່ານຈະລາອອກຈາກຕຳແໜ່ງນີ້ ເມື່ອສິ້ນສຸດອາຍຸການໃນທ້າຍເດືອນ 6, ສະນັ້ນ, ທະນາຄານໂລກຕ້ອງຊອກຫາປະທານຄົນໃໝ່ແທນໃຫ້ທ່ານ. ຕາມທຳນຽມແລ້ວ, ປະທານທະນາຄານໂລກຍາມໃດກໍແມ່ນຊາວອາເມລິກາ ແລະ ຜູ້ອຳນວຍການໃຫ່ຍກອງທຶນເງິນຕາສາກົນແມ່ນຊາວເອີລົບຮັບຜິດຊອບ. ແຕ່ເຖິງຢ່າງໃດກໍຕາມ, ປະຈຸບັນ, ບັນດາປະເທດພວມພັດທະນາ ແລະ ນັກໄຈ້ແຍກຈຳນວນ 1 ພວມຮຽກຮ້ອງໃຫ້ທະນາຄານໂລກ ຈົ່ງມີນະໂຍບາຍເປີດກ້ວາງກ່ວາອີກ ເພື່ອໃຫ້ຜູ້ມີຄວາມເກັ່ງກ້າສາມາດຢູ່ປະເທດຕ່າງໆ ສາມາດດຳລົງຕຳແໜ່ງນີ້.
