ທະ​ເລ​ຕາ​ເວັນ​ອອກ ຍັງ​ຄົງແມ່ນ​ບັນ​ຫາ​ສຳ​ຄັນ ຢູ່​ກອງ​ປະ​ຊຸມ​ສຸ​ດຍອດ ອາ​ຊຽນ

        ນີ້ແມ່ນຄຳຢັ້ງຢືນຂອງທ່ານ Kong Phok, ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ກຳປູເຈຍ ທັງເປັນໂຄສົກ ກອງປະຊຸມ ອາຊຽນ 2022, ໃນກອງປະຊຸມຂ່າວກ່ຽວກັບໝາກຜົນຂອງກອງປະຊຸມສຸດຍອດ ອາຊຽນ ແລະ ບັນດາກອງປະຊຸມທີ່ກ່ຽວຂ້ອງ ເຊິ່ງຈັດຂຶ້ນໃນວັນທີ 11 ພະຈິກ ຢູ່ນະຄອນຫຼວງ ພະນົມເປັນ, ລາຊະອານາຈັກ ກຳປູເຈຍ.

ທ່ານ Kong Phok, ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ກຳປູເຈຍ ໃນກອງປະຊຸມຖະແຫຼງຂ່າວ

 ຕາມທ່ານ Kong Phok ແລ້ວ, ບັນຫາທະເລຕາເວັນອອກ ຍາມໃດກໍໄດ້ຮັບຄວາມສົນໃຈ, ປຶກສາຫາລືຢ່າງເລິກເຊິ່ງກວ້າງຂວາງຈາກການນຳບັນດາປະເທດ ອາຊຽນ. ການນຳຂອງບັນດາປະເທດ ອາຊຽນ ໄດ້ເນັ້ນໜັກເຖິງຄວາມສຳຄັນ ແລະ ຄວາມຮັບຜິດຊອບຂອງ ບັນດາປະເທດໃນການປົກປັກຮັກສາສັນຕິພາບ, ຄວາມໝັ້ນຄົງ, ສະຖຽນລະພາບຢູ່ທະເລຕາເວັນອອກ, ພ້ອມທັງເນັ້ນໜັກເຖິງການປະຕິບັດ ຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ ແລະ ບັນລຸໄດ້ ກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ທີ່ມີປະສິດທິຜົນ, ແທດຈິງ ແລະ ສອດຄ່ອງກັບກົດໝາຍສາກົນ ໂດຍໄວ.

        ກ່ຽວຂ້ອງເຖິງການເຈລະຈາຄັ້ງຕ່າງໆກ່ຽວກັບ COC, ທ່ານ Kong Phok ຖືວ່າ ບັນດາຝ່າຍຕ້ອງປຶກສາຫາລືແບບເຊິ່ງໜ້າ ແລະ ຫວັງວ່າ ພາຍຫຼັງໂລກລະບາດໂຄວິດ - 19 ໄດ້ຮັບການຄວບຄຸມ, ບັນດາຝ່າຍຈະຕັ້ງໜ້າກວ່າອີກເພື່ອບັນລຸໄດ້ COC ໂດຍໄວ.

ວັນໂດ້ - ນັກຂ່າວ VOV ປະຈຳ ກຳປູເຈຍ