ທ່ານປະທານສະພາແຫ່ງຊາດ ເຈິ່ນແທັງເໝີ້ນ ເນັ້ນໜັກເຖິງບັນດາບົດຮຽນໃນວຽກງານເລືອກຕັ້ງ

(ທ່ານປະທານສະພາແຫ່ງຊາດ ເຈິ່ນແທັງເໝີ້ນ   ກ່າວຄຳເຫັນທີ່ກອງປະຊຸມ)

        ກ່າວຄຳເຫັນສະຫຼຸບກອງປະຊຸມທາງໄກທົ່ວປະເທດ ຜັນຂະຫຍາຍວຽກງານເລືອກຕັ້ງສະມາຊິກສະພາແຫ່ງຊາດຊຸດທີ XVI ແລະ ສະພາປະຊາຊົນທຸກຂັ້ນ ອາຍຸການ 2026 – 2031 ທີ່ຈັດຂຶ້ນໃນຕອນເຊົ້າວັນທີ 26 ກຸມພາ, ທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ, ປະທານສະພາເລືອກຕັ້ງແຫ່ງຊາດ, ໄດ້ເນັ້ນໜັກເຖິງບັນດາບົດຮຽນກ່ຽວກັບການເສີມຂະຫຍາຍນ້ຳໃຈສາມັກຄີທົ່ວປວງຊົນທັງຊາດ ກໍຄືຂໍ້ມູນລຸລ່ວງເພື່ອຮັບປະກັນຄວາມເປີດເຜີຍ, ໂປ່ງໃສ, ປະຊາທິປະໄຕ.

        ທ່ານປະທານສະພາແຫ່ງຊາດ ເຈິ່ນແທັງເໝີ້ນ ຕີລາຄາວ່າ ວຽກງານກະກຽມມາຮອດປະຈຸບັນແມ່ນໄປຖືກຕາມໄລຍະຄວາມຄືບໜ້າ, ຖືກຕາມກົດໝາຍ, ຄົບຊຸດ ແລະ ເຂັ້ມງວດໂດຍພື້ນຖານ. ຍົກອອກບັນດາບົດຮຽນຈາກການເລືອກຕັ້ງປີ 2021 ເພື່ອໃຫ້ບັນດາທ້ອງຖິ່ນເອົາໃຈໃສ່, ປະຕິບັດໃຫ້ເປັນຢ່າງດີ. ທ່ານໃຫ້ຮູ້ວ່າ:

        “ທີ 1, ເສີມຂະຫຍາຍກຳລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ຄວາມເຊື່ອໝັ້ນ, ຄວາມເຫັນດີເຫັນພ້ອມຂອງປະຊາຊົນ, ການເຂົ້າຮ່ວມຢ່າງຕັ້ງໜ້າຂອງທັງລະບົບການເມືອງແມ່ນປັດໄຈຕັດສິນ, ຮັບປະກັນໃຫ້ແກ່ຜົນສຳເລັດຂອງການເລືອກຕັ້ງ. ທີ 2, ການຊີ້ນຳນຳພາຢ່າງໃກ້ສິດຂອງຄະນະພັກທຸກຂັ້ນແມ່ນປັດໄຈສຳຄັນແຖວໜ້າເພື່ອຮັບປະກັນໄຊຊະນະຂອງການເລືອກຕັ້ງ. ທີ 3, ປະຕິບັດວຽກງານຖະແຫຼງຂ່າວໃຫ້ເປັນຢ່າງດີ, ໂຄສະນາຢ່າງເລິກເຊິ່ງ, ກວ້າງຂວາງ, ມີຈຸດສຸມ, ຈຸດໜັກໄປສູ່ປະຊາຊົນທຸກຄົນ. ຮັບປະກັນຄວາມເປີດເຜີຍ, ໂປ່ງໃສ, ມີປະຊາທິປະໄຕໃນແຕ່ລະວຽກງານກະກຽມການເລືອກຕັ້ງ.”