ທ່ານປະທານາທິບໍດີລັດເຊຍຖະແຫຼງວ່າ: ບໍ່ມີພື້ນຖານໃຫ້ແກ່ທຸກໆການປະຕິວັດສີສັນຢູ່ລັດເຊຍ.
ທ່ານປະທານນາທິບໍດີລັດເຊຍ Dmitry Medvedev ຖະແຫຼງວ່າ: ບໍ່ມີພື້ນຖານໃຫ້ແກ່ທຸກໆການປະຕິວັດສີສັນຢູ່ລັດເຊຍ, ແລະ ການເລືອກຕັ້ງ Duma ແຫ່ງຊາດ (ຫຼຶ ສະພາຕ່ຳ) ລັດເຊຍ ຊຸດທີ 6 ດຳເນີນໄປໃນວັນທີ 4/12/2011 ແມ່ນໂປ່ງໃສທີ່ສຸດໃນປະຫວັດສາດຂອງປະເທດລັດເຊຍທັນສະໄໝ. ຕາມນັກຂ່າວວິທະຍຸກະຈາຍສຽງຫວຽດນາມປະຈຳລັດເຊຍແລ້ວ, ທ່ານປະທານາທິບໍດີ Medvedev ໄດ້ຍົກອອກມາຄຳຖະແຫຼງດັ່ງກ່າວຢູ່ທີ່ການພົບປະກັບນັກສຶກສາພະແນກສື່ມວນຊົນມະຫາວິທະຍາໄລສັງລວມແຫ່ງຊາດໂມດສະກູ (ຫຼື MGU) ທີ່ມີຊື່ວ່າ Lomonoxop ເມື່ອຕອນບ່າຍວັນທີ 25/1. ທ່ານໄດ້ຢືນຢັນວ່າ: ປະເທດລັດເຊຍທັນສະໄໝບໍ່ມີພື້ນຖານ ແລະ ບໍ່ຕ້ອງການມີການປະຕິວັດສີສັນ. ທ່ານຖະແຫຼງວ່າ: ພ້ອມແລ້ວທີ່ເປັນຜູ້ນຳພາລັດຖະບານໃໝ່ຖ້າຫາກທ່ານນາຍົກລັດຖະມົນຕີຄົນໃໝ່ Vladimir Putin ໄດ້ຮັບເລືອກຕັ້ງເປັນປະທານາທິບໍດີຄົນໃໝ່ທີ່ການເລືອກຕັ້ງເມື່ອວັນທີ 4/3 ຈະມາເຖິງ. ເຖິງຢ່າງໃດກໍ່ຕາມ, ທ່ານກໍ່ກຽມພ້ອມກັບທຸກໆກໍລະນີ, ນັບທັງເລື່ອງທ່ານ Putin ບໍ່ໄດ້ຮັບເລືອກຕັ້ງ ແລະ ທ່ານບໍ່ສາມາດກາຍເປັນນາຍົກລັດຖະມົນຕີຄົນໃໝ່. ທ່ານຈະບໍ່ລາອອກຈາກເວທີການເມືອງ ແລະ ບໍ່ເວັ້ນເສຍກໍລະນີຮອດໄລຍະໃດໜຶ່ງຈະອອກຫາສຽງເລືອກຕັ້ງສຳລັບຕຳແໜງປະທານາທິບໍດີສະຫະພັນລັດເຊຍອີກສະໄໝໜຶ່ງ.
