 ນາງ ລືຖາຍຕວຽນ ຮອງຜູ້ອຳນວຍການຫໍພິພິທະພັນແຂວງ ເລິມດົ່ງ |
“ນີ້ແມ່ນເທື່ອທຳອິດທີ່ຂ້າພະເຈົ້າໄດ້ຮັບຄວາມໄວ້ວາງໃຈ ຈາກພະແນກ ວັດທະນະທຳ ກິລາ ແລະ ທ່ອງທ່ຽວ ແຂວງ ເລິມດົ່ງ, ຜູ້ມີສິດເລືອກຕັ້ງ, ຄະນະກຳມະການແນວໂຮມປະເທດຊາດ ແຂວງ ເລິມດົ່ງ ແນະນນຳໃຫ້ຂ້າພະເຈົ້າອອກສະໝັກຮັບເລືອກຕັ້ງເປັນ ສສຊ ຊຸດທີ XVI ອາຍຸການ 2026 – 2031. ນີ້ແມ່ນຄວາມເປັນກຽດ ທັງແມ່ນຄວາມຮັບຜະດຊອບຢ່າງສູງ ຂອງກະໂຕຂ້າພະເຈົ້າເອງ”.
ນັ້ນແມ່ນຄວາມໃນໃຈຂອງນາງ ລືຖາຍຕວຽນ ເມື່ອໄດ້ເຂົ້າຮ່ວມອອກສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ. ນາງ ລືຖາຍຕວຽນ ແມ່ນຊາວເຜົ່າຈຳ ເກີດປີ 1981 ບ້ານເກີດຢູ່ ຕາແສງ ບັກບິ່ງ ແຂວງ ເລິມດົ່ງ ໂດຍໄດ້ກຳເນີດ ແລະ ເຕີບໃຫຍ່ຂຶ້ນໃນຄອບຄົວທີ່ມີມູນເຊື້ອວັດທະນະທຳ ນາງ ຕວຽນ ແມ່ນລູກຂອງນັກສິລະປະການດີເດັ່ນ ເລິມເຕິ໊ນບິ່ງ ດັ່ງນັ້ນ ນັບແຕ່ຄາວຍັງນ້ອຍນາງກໍ່ມີຄວາມຮັກຢ່າງເລິກເຊິ່ງຕໍ່ອາຊີບຫັດຖະກຳ ສືບທອດມູນເຊື້ອປະກອບສ່ວນຮັກສາອະນຸລັກ ແລະ ພັດທະນາບັນດາຄຸນຄ່າວັດທະນະທຳບັນດາເຜົ່າ ໃນສະພາວະທີ່ແຂວງ ເລິມດົ່ງ ມີເຖິງ 49 ເຜົ່າ ດຳລົງຊີວິດຢູ່ຮ່ວມກັນ ພັດແມ່ນລູກຂອງເຜົ່າຈຳ ນາງ ລືຖາຍຕວຽນ ສາມາດເຂົ້າໃຈແຈ້ງກ່ຽວກັບຄຸນຄ່າສີສັນວັດທະນະທຳບັນດາເຜົ່າ ເປັນຕົ້ນແມ່ນເຜົ່າຈຳ ທ່ານ ດວານວັນຖ້ວນ ຮອງຜູ້ອຳນວຍການຫໍພິພິທະພັນແຂວງ ເລິມດົ່ງ ໃຫ້ຮູ້ວ່າ:
“ເລື່ອງນາງ ຕວຽນ ໄດ້ຮັບການແນະນຳຈາກສຳນັກງານອອກສະໝັກຮັບເລືອກຕັ້ງເປັນ ສສຊ ຄັ້ງນີ້ແມ່ນເໝາະສົມທີ່ສຸດ. ນີ້ແມ່ນຄວາມເປັນກຽດ ແມ່ນຄວາມເອກອ້າງທະນົງໃຈຂອງນາງເອງ ແລະ ແມ່ນກຳລັງໜູນເພື່ອສືບຕໍ່ປະກອບສ່ວນຫຼາຍກວ່າອີກເຂົ້າໃນພາລະກິດພັດທະນາຂະແໜງວັດທະນະທຳ ກິລາ ແລະ ທ່ອງທ່ຽວ ເວົ້າລວມ ກໍ່ຄືໃນຂົງເຂດຫໍພິພິທະພັນເວົ້າສະເພາະ”.
ໃນໂຄງການກະທຳອອກສະໝັກຮັບເລືອກຕັ້ງເປັນສະມາຊິກສະພາແຫ່ງຊາດຂອງຕົນ ນາງ ຕວຽນ ໄດ້ມຸ່ງໄປເຖິງເປັນຜູ້ຕາງໜ້າໃຫ້ແກ່ສຽງເວົ້າຂອງບັນດາເຜົ່າສ່ວນໜ້ອຍ ເຊິ່ງໄດ້ເລັ່ງໃສ່ການການອະນຸລັກແລະ ເສີມຂະຫຍາຍບັນດາຄຸນຄ່າວັດທະນະທຳພື້ນເມືອງຂອງບັນດາເຜົ່າ ຕາມນາງ ຕວຽນ ແລ້ວ ການພັດທະນາເສດຖະກິດສັງຄົມ ລະຫວ່າງບັນດາທ້ອງຖິ່ນໃນແຂວງ ເລິມດົ່ງ ຍັງບໍ່ສະໝ່ຳສະເໝີ ບັນດາຄອບຄົວທຸກຍາກ ແລະ ຂ້ອນຂ້າງຄວາມທຸກຍາກກໍ່ຫຼຸດຜ່ອນລົງໃນແຕ່ລະປີ ແຕ່ຍັງຄົງສຸມໃສ່ຢູ່ເຂດພໍ່ແມ່ພີ່ນ້ອງບັນດາເຜົ່າສ່ວນໜ້ອຍ ດັ່ງນັ້ນຖ້າຫາກຮັບໄຊຊະນະໃນການເລືອກຕັ້ງນາງຈະສະເໜີສະພາແຫ່ງຊາດຍູ້ແຮງລະດັບຄວາມຄືບໜ້າຜັນຂະຫຍາຍໂຄງການເປົ້າໝາຍແຫ່ງຊາດ ສາມໂຄງການຄື ສ້າງຊົນນະບົດໃໝ່ຫຼຸດຜ່ອນຄວາມທຸກຍາກແບບຍືນຍົງ ແລະ ພັດທະນາເສດຖະກິດສັງຄົມຢູ່ເຂດພໍ່ແມ່ປະຊາຊົນບັນດາເຜົ່າສ່ວນໜ້ອຍໃນເຂດພູດອຍ ແລະ ຖືວ່ານີ້ແມ່ນບາດລ້ຽວໃຫຍ່ປະກອບສ່ວນພັດທະນາເສດຖະກິດສັງຄົມຂອງບັນດາທ້ອງຖິ່ນ ແລະ ແຂວງຕົນ
“ຖ້າຫາກເວົ້າວ່າ ມີກຳລັງດັນ ຫຼື ບໍ່ນັ້ນ ພຽງແຕ່ແມ່ນກຳລັງດັນທີ່ກຳເນີດມາຈາກການປະຕິບັດຢ່າງຖືກຕ້ອງກັບຄຳໝັ້ນສັນຍາໃນໂຄງການກະທຳ ແລະ ແກ້ໄຂຄວາມໃນໃຈ ຄວາມມຸ່ງຫວັງຂອງປະຊາຊົນ ແລະ ຜູ້ມີສິດເລືອກຕັ້ງເທົ່ານັ້ນ. ຂ້າພະເຈົ້າເຊື່ອໝັ້ນວ່າ ກຳລັງດັນນັ້ນ ຈະເປັນກຳລັງດັນເພື່ອໃຫ້ຂ້າພະເຈົ້າສ້າງຕົນເອງໃຫ້ສົມບູນແບບ. ຂ້າພະເຈົ້າພະຍາຍາມຫັນຄວາມເປັນກຽດ ເມື່ອຂະແໜງວັດທະນະທຳ ກິລາ ແລະ ທ່ອງທ່ຽວເຊື່ອໝັ້ນ ແນະນຳຂ້າພະເຈົ້າໃຫ້ກາຍເປັນກຳລັງດັນ ເພື່ອສູ້ຊົນປະຕິບັດຢ່າງຖືກຕ້ອງຕາມຄຳໝັ້ນສັນຍາໃນໂຄງການກະທຳຂອງຕົນ ຂະນະທີ່ກາຍເປັນ ສສຊ ຊຸດທີ XVI”.
ໃນຂົງເຂດວັດທະນະທຳ ນາງ ຕວຽນ ແມ່ນຜູ້ສຸດຈິດສຸດໃຈ ມີວິຊາສະເພາະສູງ ແລະ ມີຄວາມຄາດຫວັງອຸທິດສ່ວນ.ດ້ວຍປະກອບສ່ວນຂອງຕົນໃຫ້ແກ່ຂະແໜງວັດທະນະທຳ ນາງ ລືຖາຍຕວຽນ ໄດ້ຮັບໃບຍ້ອງຍໍ 4 ໃບ.
