ວັນທີ 7/1, ຢູ່ຮ່າໂນ້ຍ, ກະຊວງຄົມມະນາຄົມຂົນສົ່ງ ໄດ້ຈັດກອງປະຊຸມສະຫລຸບວຽກງານປີ 2011 ແລະຜັນຂະຫຍາຍແຜນການໜ້າທີ່ປີ 2012. ກ່າວຄຳເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີຫງວຽນເຕີນຢູງຮຽກຮ້ອງໃຫ້ຂະແໜງ ຄົມມະ ນາຄົມຂົນສົ່ງ ກ່ອນອື່ນໝົດຕ້ອງກວດກາຄືນລະບອບ, ກົນໄກນະໂຍບາຍ, ແກ້ໄຂຄວາມຫຍຸ້ງຍາກ, ຂໍ້ຕິດຂັດ, ຍູ້ໄວລະດັບການກໍ່ສ້າງບັນດາກິດຈະກຳຄົມະນາຄົມ, ຍົກສູງຄຸນນະພາບ, ປະສິດທິຜົນກິດຈະກຳ. ທ່ານນາຍົກລັດຖະມົນຕີກໍຊີ້ນຳໃຫ້ຂະແໜງຄົມມະນາຄົມ ຕ້ອງກວດກາການວາງແຜນກຳນົດທັງທາງບົກ, ທາງລົດໄຟ, ທາງນ້ຳ ແລະທາງອາກາດ. ປີ 2012 ແມ່ນປີຄົມມະນາຄົມປອດໄພ, ທ່ານນາຍົກລັດຖະມົນຕີຊີ້ນຳໃຫ້ຂະແໜງ ຄົມມະນາຄົມຂົນສົ່ງ ຕ້ອງປະຕິບັດຢ່າງຂ້ຽວຂາດ ແລະຄົບຊຸດບັນດາມາດຕະການ ໃນນັ້ນ ເອົາໃຈໃສ່ເປັນພິເສດເຖິງສະຕິຄວາມຮັບຮູ້ ຄວາມຕື່ນຕົວໃນການປະຕິບັດກົດໝາຍຄົມມະນາຄົມຂອງປະຊາຊົນ, ເພີ່ມທະວີວຽກງານບຳລຸງສ້າງ ອອກໃບຂັບຂີ່…
