ວັນທີ 26 ມັງກອນ, ຊາວກະສີກອນແຂວງ ລອງອານ, ເງ້ອານ ໄດ້ເລີ່ມຕົ້ນລະດູການຜະລິດເຂົ້າ, ໂດຍສຸມໃສ່ການບົວລະບັດເຂົ້າລະດູໜາວຕໍ່ລະດູບານໃໝ່. ຍ້ອນ 2 ລະດູການຜະລິດເຂົ້າປີແລ້ວນີ້ໄດ້ຮັບຜົນດີ ແລະ ຂາຍໄດ້ລາຄາ, ດັ່ງນັ້ນ ຊາວກະສີກອນແຂວງ ລອງອານໄດ້ຕ້ອນຮັບບຸນເຕັດໃນທ່າມກາງຄວາມເບີກມ່ວນ ຊື່ນ ແລະ ອີ່ມໜຳສຳລານ. ຂະແໜງກະສີກຳແຂວງ ລອງອານ ໄດ້ແຕ່ງຕັ້ງ ພະນັກງານສົ່ງເສີມກະສີກຳ ລົງຊີ້ນຳຊາວກະສີກອນໃນການບົວລະບັດຕົ້ນເຂົ້າ. ຕາມແຜນການແລ້ວ, ພໍ່ແມ່ພີນ້ອງຊາວກະສີກອນແຂວງ ເງ້ອານ ກໍເລີ່ມດຳເນີນ ການປັກດຳ. ຂະແໜງກະສີກຳແຂວງ ເງ້ອານ ກໍຜັນຂະຫຍາຍການໜູນຊ່ວຍ ຊາວກະສີກອນເມື່ອປະສົບກັບສະພາບອາກາດໜາວຈັດ. ທ່ານຫງວຽນວັນເລິບ ຮອງຫົວໜ້າພະແນກກະສີກຳ ແລະ ພັດທະນາຊົນນະບົດແຂວງ ເງ້ອານ ໃຫ້ຮູ້ວ່າ: “ ວັນທີ 4 ຂອງບຸນເຕັດ, ພໍ່ແມ່ພີນ້ອງຊາວກະສີກອນ ໄດ້ເລີ່ມລົງນາທຳການຜະລິດ ເຂົ້າ. ຖ້າຫາກອາກາດໜາວຈັດນັ້ນ, ການປັກດຳກໍຈະແກ່ຍາວໄປ. ປີ 2012, ແຂວງ ເງ້ອານ ມີນະໂຍບາຍໜູນຊ່ວຍເງິນຊ່ວຍຊາວກະສີກອນທຳການຜະລິດ, ພິເສດ ສຳລັບບັນດາເມືອງຢູ່ເຂດພູສູງ, ແມ່ນໄດ້ັຮັບການໜູນຊ່ວຍຫຼາຍກ່ວາ”
ໃນຊຸມມື້ຕົ້ນປີໃໝ່, ຍ້ອນລາຄາອາຫານທະເລຊະນິດຕ່າງໆແມ່ນຢູ່ໃນລະດັບສູງ, ດັ່ງນັ້ນ, ຊາວປະມົງຢູ່ແຂວງ ກາເມົາ, ກຽນຢາງ ໄດ້ພ້ອມກັນເດີນເຮືອຫາປາ. ຕອນເຊົ້າວັນທີ 26 ມັງກອນ ກົງກັບວັນທີ 4 ຂອງບຸນເຕັດ, ເຮືອຫາປາແຕ່ລະຝູງ ຢູ່ເທດສະບານເມືອງ ຊົງດົກ ເມືອງ ເຈີນວັນເທີ່ຍ ແຂວງ ກາເມົາ ຫຼືຢູ່ເມືອງເກາະ ກຽນຫາຍ ແຂວງ ກຽນຢາງ ໄດ້ພ້ອມກັນເດີນທະເລ. ອ້າຍ ເລວັນເຟືອງ ຊາວປະມົງ ຢູ່ເຂດແຄມທະເລ ທາງທິດຕາເວັນຕົກຂອງພາກໄຕ້ຫວຽດນາມໃຫ້ຮູ້ວ່າ: “ ຕ້ອນຮັບ ບຸນເຕັດແລ້ວ, ມື້ນີ້ແມ່ນວັນທີ 4 ເດືອນຈຽງ, ອ້າຍນ້ອງຊາວປະມົງກໍເລີ່ມເດີນເຮືອ ຫາປາດ້ວຍຄວາມພາກພູມໃຈ. ຕາມຮີດຄອງປະເພນີຂອງຊາວປະມົງ ຫວຽດນາມ ແລ້ວ, ເມື່ອເດີນເຮືອຫາປາຍາມຕົ້ນປີ, ກໍທຳພິທີໄຫວ້ບູຊາເພື່ອພາວະນາໃຫ້ ການເດີນເຮືອ ຫາປາໄດ້ຮັບຜົນດີ. ໃນຈຸດເວລາຕົ້ນປີ, ທະເລມີຄວາມສະຫງົບງຽບ, ການເດີນທະເລ ຂອງເຮົາຈະມີໂຊກດີ ”.
