ຊາວໝູ່ບ້ານດອກໄມ້ ຮ່າດົງ ລຸ້ນທຳອິດ (ພາບ: thanhnien.vn) |
ໝູ່ບ້ານດອກໄມ້ ຮ່າດົງ ໃນເຂດພູພຽງ ເລິມວຽນ, ນະຄອນ ດ່າລາດ, ແຂວງ ເລິມດົ່ງ ໄດ້ຮັບການກໍ່ສ້າງຂຶ້ນກ່ອນນີ້ເກືອບ 1 ທົດສະວັດ (ປີ 1930). ຈາກໝູບ້ານດອກໄມ້ແຫ່ງທຳອິດ, ມາຮອດປະຈຸບັນ, ດ່າລາດ ມີໝູ່ບ້ານດອກໄມ້ຫຼາຍແຫ່ງຕື່ມອີກ ເພື່ອສ້າງສີສັນໃຫ້ແກ່ນະຄອນດອກໄມ້. ທ່ານ ຫວູ້ຮຶ້ວຊຽມ ຊາວບ້ານ ຮ່າດົງ ໃຫ້ຮູ້ວ່າ:
ກຸ່ມໝູ່ບ້ານທຸກແຫ່ງມີຄົນບໍ່ຫຼາຍ, ໄດ້ເຂົ້າມາເຂດດິນແດນແຫ່ງນີ້ເພື່ອບຸກເບີກທີ່ດິນ ຍ້ອນວ່າມີແຕ່ເຂດພູຜາປ່າໄມ້ເທົ່ານັ້ນ. ໃນເບື້ອງຕົ້ນພຽງແຕ່ໄດ້ປູກຜັກເພື່ອສະໜອງໃຫ້ຄົນ ຝະລັ່ງ.
ເກັບກຽວດອດກໄມ້ຢູ່ໝູ່ບ້ານ ທາຍຟຽນ (ພາບ: TTXVN) |
ບັນດາຜູ້ເຮັດສວນທີ່ມີປະສົບການຫຼາຍ ພ້ອມກັບຄວາມດຸໝັ່ນຂະຫຍັນພຽນ ໄດ້ສ້າງເຂດພູຫວ່າງເປົ່າ, ມີແຕ່ໃບຫຍ້າໃຫ້ມີໂສມໜ້າໃໝ່ດ້ວຍບັນດາສວນຜັກ, ສວນດອກໄມ້ທີ່ຂຽວສົດງົດງາມ. ນັບແຕ່ນັ້ນເປັນຕົ້ນມາ, ບ້ານ ຮ່າດົງ ໄດ້ກາຍເປັນໝູ່ບ້ານອາຊີບປູກດອກໄມ້ແຫ່ງທຳອິດຢູ່ ດ່າລາດ. ດອກໄມ້ຢູ່ໝູ່ບ້ານດອກໄມ້ ຮ່າດົງ ໄດ້ພັດທະນາຢ່າງແຮງ, ມີດອກໄມ້ສົດນານ ແລະ ສີສັນສວຍງາມ. ເອື໊ອຍ ເຈິ່ນທິແບຖາວ ຊາວໝູ່ບ້ານດອກໄມ້ ຮ່າດົງ ໃຫ້ຮູ້ວ່າ:
ເມື່ອກ່ອນໄດ້ປູກດອກໜ້າງົວຊະນິດຕ່າງໆ, ປະຈຸບັນກໍ່ໄດ້ປູກດອກກ້ວຍໄມ້, ຫຼັງຈາກນັ້ນກໍ່ພັດທະນາດອກໄມ້ປະເພດອື່ນໆຕື່ມອີກ ເພື່ອຮັບໃຊ້ການປະດັບປະດາ.
ໃນເກືອບ 70 ປີກ່ອນ (ຄືປີ 1956), ໝູ່ບ້ານດອກໄມ້ ທາຍຟຽນ ໄດ້ຮັບການສ້າງຕັ້ງຂຶ້ນ, ຍ້ອນເງື່ອນໄຂທຳມະຊາດທີ່ອຳນວຍຄວາມສະດວກ, ແຫຼ່ງນ້ຳອຸດົມສົມບູນຈາກຫ້ວຍນ້ຳຕ່າງໆ ທາຍຟຽນ ກາຍເປັນໜຶ່ງໃນບັນດາອູ່ດອກໄມ້ໃຫ່ຍກ່ວາໝູ່ຂອງນະຄອນ ດ່າລາດ ດ້ວຍເນື້ອທີ່ດິນປູກດອກໄມ້ກ່ວາ 430 ເຮັກຕາ. ທ່ານ ບຸ່ຍວັນໂຮ້ຍ, ຊາວໝູ່ບ້ານດອກໄມ້ ທາຍຟຽນ ແບ່ງປັນວ່າ:
ແຕ່ລະຄົນຈະມີເຕັກນິກການປູກດອກໄມ້ສະເພາະ. ນັບແຕ່ເມື່ອປູກຈົນຮອດການເກັບກ່ຽວແມ່ນປະມານ 3 ເດືອນ, ຕາມແຕ່ລະລະດູການ. ປູກດອກໄມ້ແບບນີ້ຈະມີລາຍຮັບປະມານ 4.000 USD/ໄລ່. ຖ້າທຽບກັບການປູກຜັກແມ່ນມີລາຍນັບສູງກ່ວາ.
ພ້ອມກັບໝູ່ບ້ານດອກໄມ້ ຮ່າດົງ, ທາຍຟຽນ, ໝູ່ບ້ານດອກໄມ້ ວ້ານແທັງ ໄດ້ເປັນທີ່ຮູ້ຈັກກັນດີຈາກ ປຊຊ ແລະ ແຂກທ່ອງທ່ຽວເປັນຈຳນວນຫຼາຍ. ຜູ້ປູກດອກໄມ້ຢູ່ ວ້ານແທັງ ໄດ້ສຳຜັດ ແລະ ໝູນໃຊ້ເຕັກໂນໂລຊີປູກດອກໄມ້ໃນເຮືອນແກ້ວ, ຕັ້ງໜ້າຂະຫຍາຍບັນດາແນວພັນດອກໄມ້ໃໝ່. ບໍ່ພຽງແຕ່ໄດ້ປູກດອກໄມ້ປະເພດເກົ່າຄື: ດອກກຸຫຼາບ, ດອກເບັນຈະມາດ, ດອກຄາເນຊັ່ນ… ເຂົາເຈົ້າຍັງປູກທົດລອງ ແລະ ຜະລິດບັນດາຊະນິດດອກໄມ້ໃໝ່ ແລະ ຫາຍາກອີກດ້ວຍ. ດ້ວຍທີ່ຕັ້ງສະດວກ ແລະ ທິວທັດທຳມະຊາດທີ່ສວຍງາມ, ໝູ່ບ້ານດອກໄມ້ ວ້ານແທັງ ໄດ້ກາຍເປັນຈຸດນັດພົບທີ່ຈັບໃຈສຳລັບຜູ້ຮັກມັກທຳມະຊາດ ແລະ ຢາກຄົ້ນຫາຈຸດຄວາມງາມທີ່ເປັນເອກະລັກສະເພາະຂອງ ດ່າລາດ. ປ້າ ຫງວຽນທິກີມທວາ, ຊາວໝູ່ບ້ານດອກໄມ້ ວ້ານແທັງ ແບ່ງປັນວ່າ:
ພໍ່ແມ່ຂ້າພະເຈົ້າແມ່ນຊາວພາກເໜືອໄດ້ເຂົ້າມານີ້ເພື່ອບຸກເບີກທີ່ດິນ, ເຫັນວ່າເງື່ອນໄຂທຳມະຊາດເໝາະສົມກັບດອກໄມ້ຊະນິດຕ່າງໆ ດັ່ງນັ້ນກໍ່ຕັດສິນໃຈປູກດອກໄມ້ປະເພດຕ່າງໆຄື: ດອກເບັນຈາະມາດ, ດອກກຸຫຼາບ, ດອກລິນລີ່…. ອາຊີບຂອງລຸນພໍ່ລຸ້ອ້າຍປະໄວ້ໃຫ້, ຂ້າພະເຈົ້າກໍ່ພະຍາຍາມເຮັດ ແລະ ຮັກສາອາຊີບ.
ຜ່ານການເວລາ, ບັນດາໝູ່ບ້ານດອກໄມ້ ດ່າລາດ ໄດ້ເປີດກ້ວາງຂອບຂະໜາດຢ່າງບໍ່ຢຸດຢັ້ງ ແລະ ໄດ້ປູກດອກໄມ້ຫຼາຍປະເພດ. ນະຄອນມີເນື້ອທີ່ປູກດອກໄມ້ເກືອບ 4.000 ເຮັກຕາ, ປະລິມານການຜະລິດຄາດວ່າດອກໄມ້ບັນລຸ 1.5 ຕື້ງ່າ/ປີ. ດ້ວຍດອກໄມ້ກ່ວາ 400 ປະເພດ ແລະ ມີດອກໄມ້ນັບພັນແນວພັນທີ່ແຕກຕ່າງກັນ. ນອກຈາກໄດ້ປູກດອກໄມ້ແລ້ວ, ປຊຊ ດ່າລາດ ຍັງໄດ້ລົງທຶນ, ພັດທະນາຜະລິດບັນດາຜະລິດຕະພັນຈາກດອກໄມ້ຄື: ນ້ຳມັນຫອມລະເຫີຍ, ຊາສະໝຸນໄພ… ບັນດາໝູ່ບ້ານອາຊີບທີ່ເປັນມູນເຊື້ອຄື ຮ່າດົງ, ທາຍຟຽນ, ວ້ານແທັງ ໄດ້ປະກອບສ່ວນເຂົ້າໃນເສດຖະກິດທ້ອງຖິ່ນ ຜ່ານການຜະລິດ ແລະ ສົ່ງອອກດອກໄມ້ ກໍ່ຄືສ້າງບັນດາຜະລິດຕະພັນທ່ອງທ່ຽວພິເສດສະເພາະ, ດຶງດູດແຂກທ່ອງທ່ຽວນັບພັນເທື່ອຄົນໃນແຕ່ລະປີ./.
