 ຊາວມຸດສະລິມເຂົ້າຮ່ວມພິທີພາວະນາໃນງານບຸນ Eid Al-Fitr (ພາບ: REUTERS/Dawoud Abu Alkas)
|
ຕາມສຳນັກຂ່າວສານ ປາແລັດສະຕິນ (WAFA), ມີກຸ່ມຄົນນັບຮ້ອຍຄົນໄດ້ປະຕິບັດພິທີພາວະນາໃນງານບຸນ Eid Al-Fitr ຢູ່ບັນດາເຂດກາງແຈ້ງຢູ່ ກາຊາ, ທ່າມກາງສະພາບຖືກມ້າງເພທຳລາຍເປັນວົງກວ້າງ ແລະ ບັນດາການຈຳກັດຂອງ ອິດສະຣາແອັນ ທີ່ພວມວາງອອກຢ່າງເຄັ່ງຂັດ. ສ່ວນຢູ່ໂບດ Al-Aqsa ຢູ່ ເຢຮູຊາເລັມ ຕາເວັນອອກ, ສະຖານທີ່ສັກສິດທີ 3 ຂອງຊາວ ມຸດສະລິມ, ມີນັບຮ້ອຍຄົນຕ້ອງເຮັດພິທີພາວະນາຢູ່ເບື້ອງນອກ, ເມື່ອ ອິດສະຣາແອັນ ປິດປະຕູໂບດນີ້ພາຍຫຼັງປຸກລະດົມການບຸກໂຈມຕີ ອີຣານ.
ງານບຸນ Eid Al-Fitr ປີນີ້, ອິດສະຣາແອັນ ໄດ້ປິດປະຕູດ່ານຊາຍແດນເຂົ້າ ກາຊາ ທັງໝົດ, ພາຍຫຼັງປຸກລະດົມການບຸກໂຈມຕີເຂົ້າໃສ່ ອີຣານ ໃນວັນທີ 28 ກຸມພາ. ດ່ານຊາຍແດນ Kerem Shalom ໄດ້ເປີດປະຕູຄືນໃໝ່ຫຼັງຈາກນັ້ນ 2 – 3 ວັນ ເພື່ອຮັບເອົາເຄື່ອງໜູນຊ່ວຍມະນຸດສະທຳ ໂດຍມີຂໍ້ຈຳກັດ.
