 ການມອບທຶນສຶກສາໃຫ້ບັນດານັກສຶກສາດີເດັ່ນ |
ທ່ານ ເຈ່ີນແທງເໝີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຢືນຢັນເຖິງຄວາມສະໜິດຕິດພັນ, ຄວາມໝັ້ນແກ່ຂອງແນວໂຮມປະເທດຊາດ 3 ປະເທດໃນໄລຍະຕ່າງໆ ເພື່ອພ້ອມກັນຕ້ານສັກຕູລວມ, ປະກອບສ່ວນສ້າງເປັນມູນເຊື້ອສາມັກຄີ, ມິດຕະພາບ, ການຮ່ວມມືຮອບດ້ານ, ສະໜິດຕິດພັນພ້ອມກັນພັດທະນາ:
“ລຸ້ນໜຸ່ມ ແມ່ນເຈົ້າຂອງໃນອະນາຄົດຂອງແຕ່ລະປະເທດ, ເປັນຜູ້ຂຽນຕໍ່ໜ້າປະຫວັດສາດແຫ່ງມູນເຊື້ອສາມັກຄີ, ມິດຕະພາບອັນດີງາມຂອງປະຊາຊົນ 3 ປະເທດ ຫວຽດນາມ, ກຳປູເຈຍ ແລະ ລາວ. ພວກຂ້າພະເຈົ້າເຊື່ອໝັ້ນ ແລະ ຫວັງວ່າ: ຊາວໜຸ່ມ 3 ປະເທດ ມີຄວາມຮັບຮູ້ເລິກເຊິ່ງບົດບາດ, ພາລະກິດ ແລະ ຄວາມຮັບຜິດຊອບຂອງຕົນເພື່ອບຳລຸງລ້ຽງໃຫ້ພວກນ້ອງມີຄວາມໃຝ່ຝັນອັນໃຫຍ່ຫຼວງ, ມີນ້ຳໃຈມິດຕະພາບທີ່ຈິງໃຈ, ຄວາມເຊື່ອໝັ້ນຢ່າງເລິກເຊິ່ງ, ພ້ອມກັບສູ້ຊົນເພື່ອສັນຕິພາບ, ສະຖຽນລະພາບ ແລະ ການພັດທະນາຂອງ 3 ປະເທດ.”
ທີ່ງານພົບປະແລກປ່ຽນ, ທ່ານ ເຈ່ີນແທງເໝີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ທ່ານນາງ Men Som An, ຮອງນາຍົກລັດຖະມົນຕີ, ປະທານສະມາຄົມມິດຕະພາບ ກຳປູເຈຍ - ຫວຽດນາມ ແລະ ທ່ານ ໄຊສົມພອນ ພົມວິຫານ, ປະທານຄະນະກຳມະການສູນກາງແນວລາວສ້າງຊາດ ໄດ້ສະເໜີໃຫ້ລຸ້ນໜຸ່ມ ຫວຽດນາມ, ລາວ, ກຳປູເຈຍ ຝຶກຝົນຫຼໍ່ຫຼອມ, ຄຸນສົມບັດຄວາມເກັ່ງກ້າສາມາດຢ່າງບໍ່ຢຸດຢັ້ງ, ເສີມຂະຫຍາຍຫົວຄິດປະດິດສ້າງ ແລະ ອຸທິດສ່ວນກຳລັງໜຸ່ມແໜ້ນຂອງຕົນເພື່ອພ້ອມກັນຮ່ວມມື, ປະກອບສ່ວນໃຫ້ແກ່ປະເທດຊາດ ແລະ ອະນາຄົດອັນສົດໄສຂອງແຕ່ລະປະເທດ.
