ພິທີອາໄລຫານັກຮົບວິລະຊົນ 64 ຄົນ ທີ່ໄດ້ເສຍສະຫຼະຊີວິດຢູ່ໝູ່ເກາະ ເຈື່ອງຊາ
ດ້ວຍຈຸດປະສົງຮູ້ບຸນຄຸນ ແລະສຶກສາມູນເຊື້ອໃຫ້ແກ່ພະນັກງານ, ນັກຮົບລຸ້ນຕ່່າງໆຂອງກອງທັບເຮືອວິລະຊົນ. ຫວ່າງແລ້ວນີ້, ກອງປະຕິບັດງານກ່ຳປັ່ນ HQ 93 ກອງພົນນ້ອຍ 146, ກອງທັບເຮືອຫວຽດນາມ ໄດ້ຈັດຕັ້ງພິທີອາໄລຫານັກຮົບວິລະຊົນ 64 ຄົນ ທີ່ໄດ້ເສຍສະຫຼະຊີວິດໃນບັ້ນຮົບປົກປັກຮັກສາອະທິປະໄຕໝູ່ເກາະ ເຈື່ອງຊາ ເມື່ອປີ 1988. ນັກຮົບໜຸ່ມ ວີແທ່ງຈູງດົງ, ບ້ານເກີດຢູ່ແຂວງ ຟູ໋ທໍ້ , ເຊິ່ງພວມປະຕິບັດໜ້າທີ່ຢູ່ ເກາະ ໂກລິນ, ເວົ້າວ່າ:
“ພວກເຮົາຮູ້ບຸນຄຸນ ແລະຈະຕັດສິນໃຈປະຕິບັດໜ້າທີ່ ກໍ່ຄືພາລະກຳຂອງພວກເຮົາ ຢູ່ເກາະແຫ່ງນີ້. ພວກເຮົາຈະຕັດສິນໃຈປະຕິບັດຕາມແບບຢ່າງນັກຮົບລຸງໂຮ່ ເພື່ອປົກປັກຮັກສາເກາະ ທະເລຂອງປະເທດຊາດໄວ້”
ສ່ວນທ່ານພັນໂທ ຫງວຽນວັນທື, ຮອງຫົວໜ້າກຳມະການການເມືອງກອງພົນນ້ອຍ 146, ກອງທະຫານ ເຈື່ອງຊາ ໄດ້ເວົ້າດ້ວຍຄວາມຕື້ນຕັນໃຈວ່າ:
“ໂດຍເສີມຂະຫຍາຍມູນເຊື້ອຂອງລຸ້ນກ່ອນ, ພະນັກງານ, ນັກຮົບຂອງກອງພົນນ້ອຍ ເຈື່ອງຊາ ວິລະຊົນ ຍາມໃດກໍ່ອອກແຮງສູ້ຊົນ, ຫຼໍ່ຫຼອມ, ມີສະຕິລະວັງຕົວ, ພ້ອມແລ້ວທີ່ຈະຕໍ່ສູ້ ແລະປົກປັກຮັກສາອະທິປະໄຕໝູ່ເກາະທະເລໄວ້ຢ່າງໝັ້ນຄົງ ໃນທຸກສະຖານະການ”
