ນາຍົກລັດຖະມົນຕີລີບີໃຫ້ຄຳໝັ້ນສັນຍາວ່າລັດຖະບານຈະຕາງໜ້າໃຫ້ປະຊາຊົນລີບີທັງໝົດ
ວັນທີ 24/11, ລັດຖະບານລີບີໃໝ່ສາບານຕົວເຂົ້າຮັບຕຳແໜ່ງ ດ້ວຍໜ້າທີ່ສ້າງຄວາມສາມັກຄີໃນປະເທດທີ່ຖືກທຳລາຍຫລັງສົງຄາມ, ຊື່ງແມ່ນການເປີດຊ່ອງທາງໃຫ້ແກ່ການສ້າງລັດຖະທຳມະນູນສະບັບໃໝ່ ແລະຈັດການເລືອກຕັ້ງທົ່ວປະເທດໃນຮອບເວລາ 7 ເດືອນທີ່ຈະມາເຖິງ. ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ Abdel Rahim al-Kib ໃຫ້ຄຳໝັ້ນສັນຍາວ່າ ລັດຖະບານຈະຕາງໜ້າໃຫ້ ປະຊາຊົນລີບີທັງໝົດ; ຈົ່ງຮັກພັກດີກັບ “ບັນດາຈຸດໝາຍຂອງການປະຕິວັດເມື່ອເດືອນ 17/2”, “ຮັບປະກັນຄວາມເປັນເອກະລາດ, ຄວາມສະຫງົບປອດໄພ ແລະເອກະພາບໃນເຂດດິນແດນຂອງລີບີ”.
ສປຊ ແລະອາເມລິກາ ໄດ້ຊົມເຊີຍການສ້າງຕັ້ງລັດຖະບານໃໝ່ຢູ່ລີບີ. ທ່ານເລຂາທິການໃຫ່ຍ ສປຊ ບານກີມູນ ໄດ້ສະແດງໃຫ້ເຫັນຄວາມຫວັງວ່າ ລັດຖະບານຂອງລີບີ ຈະ ປະສົບຜົນສຳເລັດໃນການແກ້ໄຂບັນດາ ການທ້າທາຍ ຊື່ງປະເທດນີ້ຕ້ອງປະເຊີນໜ້າໃນໄລຍະຂ້າມຜ່ານ, ໃນນັ້ນມີບັນດາບັນຫາຕົ້ນຕໍຄື: ໄກ່ເກັ່ຍປອງດອງຊາດ, ຮັບປະກັນຄວາມສະຫງົບປອດໄພ, ຮັກສາສິດທິມະນຸດ…
