ວັນທີ 03 ພະຈິກ, ສື່ມວນຊົນ ອົດສະຕາລີ ໃຫ້ຮູ້ວ່າ ທ່ານນາງ Marise Payne, ລັດຖະມົນຕີການຕ່າງປະເທດ ອົດສະຕາລີ, ພວມກະກຽມເດີນທາງໄປຢ້ຽມຢາມ 4 ປະເທດ ອາຊີຕາເວັນອອກສ່ຽງໃຕ້ ເຊິ່ງລວມມີ ອິນໂດເນເຊຍ, ມາເລເຊຍ, ກຳປູເຈຍ ແລະ ຫວຽດນາມ. ການຢ້ຽມຢາມຄັ້ງນີ້ໄດ້ຮັບຖືວ່າ ແມ່ນໂອກາດເພື່ອໃຫ້ອົດສະຕາລີ ປັບປຸງການພົວພັນກັບ 4 ປະເທດສະມາຊິກ ອາຊຽນ ໃນສະພາບການປະເທດນີ້ ຫາກໍກາຍເປັນຄູ່ຮ່ວມມືຍຸດທະສາດຂອງ ອາຊຽນ.
ໃນການຢ້ຽມຢາມຄັ້ງນີ້, ຄາດວ່າທ່ານນາງລັດຖະມົນຕີ Marise Payne ຈະມີການປຶກສາຫາລືກ່ຽວກັບເລື່ອງ ອົດສະຕາລີ ຈະສະໜອງວັກຊິນກັນພະຍາດໂຄວິດ - 19 ໃຫ້ແກ່ພາກພື້ນຕື່ມອີກ 10 ລ້ານໂດສ ກໍຄື ເລື່ອງປະເທດນີ້ເພີ່ມທະວີການລົງທຶນໃຫ້ແກ່ພາກພື້ນໃນຫຼາຍຂົງເຂດ ເປັນຕົ້ນແມ່ນຄວາມໝັ້ນຄົງທາງດ້ານພະລັງງານ, ການຟື້ນຟູພາຍຫຼັງໂລກລະບາດໂຄວິດ - 19, ອາດຊະຍາກຳຂ້າມຊາດ ແລະ ການສຶກສາ.
ຫວຽດນາມ - ນັກຂ່າວ VOV ປະຈຳ ອົດສະຕາລີ.
