ລັດເຊຍ ພ້ອມແລ້ວທີ່ຈະເຊື່ອມຕໍ່ການຮ່ວມມືທາງດ້ານພະລັງງານກັບ ເອີຣົບ ບົນພື້ນຖານສະຖຽນລະພາບ, ຍາວນານ

2026/3/10 | 07:32:07

(VOVWORLD) - ວັນທີ 09 ມີນາ, ທ່ານ Vladimir Putin ປະທານາທິບໍດີ ລັດເຊຍ ຢັ້ງຢືນວ່າ ລັດເຊຍ ຍາມໃດກໍຊັ່ງຊາຄວາມສາມາດຮ່ວມມືກັບບັນດາຄູ່ຮ່ວມມື ເອີຣົບ ໃນຂົງເຂດພະລັງງານ, ດ້ວຍເງື່ອນໄຂ ສາຍພົວພັນນັ້ນໄດ້ຮັບການກໍ່ສ້າງແບບຍືນຍົງ, ບໍ່ຖືກຜົນກະທົບຈາກບັນດາປັດໄຈການເມືອງແບບຊົ່ວຄາວ. ເມື່ອກ່າວຄຳເຫັນທີ່ກອງປະຊຸມກ່ຽວກັບສະພາບການຕະຫຼາດນ້ຳມັນອາຍແກັດໂລກ, ທ່ານປະທານາທິບໍດີ Putin ໃຫ້ຮູ້ວ່າ ລັດເຊຍ ບໍ່ເຄີຍປະຕິເສດຮ່ວມມືກັບບັນດາຄູ່ຮ່ວມມືເອີຣົບຈັກເທື່ອ.

ທ່ານປະທານາທິບໍດີ ລັດເຊຍ Vladimir Putin (ພາບ: Sputnik/Gavriil Grigorov/Pool via REUTERS)

ເຖິງຢ່າງໃດກໍຕາມ, ລັດເຊຍ ຕ້ອງການບັນດາສັນຍານທີ່ຈະແຈ້ງສະແດງໃຫ້ເຫັນວ່າ ບັນດາວິສາຫະກິດ ແລະ ປະເທດກ່ຽວຂ້ອງມີຄວາມປາດຖະໜາຢາກສ້າງສາຍພົວພັນຮ່ວມມືແບບຍືນຍົງ ແລະ ຕ່າງຝ່າຍຕ່າງມີຜົນປະໂຫຍດຢ່າງແທ້ຈິງ.

ກໍໃນການຜັນແປທີ່ກ່ຽວຂ້ອງ, ອຳນາດການປົກຄອງຂອງທ່ານ Donald Trump ປະທານາທິບໍດີ ອາເມລິກາ ພວມພິຈາລະນາຄວາມສາມາດຜ່ອນຜັນຄຳສັ່ງລົງໂທດນ້ຳມັນບໍ່ຈຳນວນໜຶ່ງສຳລັບ ລັດເຊຍ ເພື່ອແນໃສ່ເພີ່ມທະວີແຫຼ່ງສະໜອງພະລັງງານທົ່ວໂລກ, ໃນສະພາບລາຄານ້ຳເພີ່ມຂຶ້ນຢ່າງແຮງ ຍ້ອນການປະທະກັນລະຫວ່າງ ອາເມລິກາ, ອິດສະຣາແອັນ ແລະ ອີຣານ.

TAG

VOV/VOVworld/ເຊື່ອມຕໍ່ການຮ່ວມມືທາງດ້ານພະລັງງານກັບ ເອີຣົບ/ລັດເຊຍ