ພາຍໃຕ້ຫົວຂໍ້ວ່າ: ວັດທະນະທຳ, ກິລາ ແລະ ການທ່ອງທ່ຽວເຂດຊາວຊົນເຜົ່າຂະແມທາງພາກໃຕ້ຫວຽດນາມ - ການເຊື່ອມໂຍງ ແລະ ພັດທະນາ, ວັນບຸນວັດທະນະທຳ, ກິລາ ແລະ ການທ່ອງທ່ຽວເຂດຊາວຊົນເຜົ່າຂະແມຄັ້ງທີ 5 ຖືກຈັດຂຶ້ນຢູ່ ຕີ້ງບຽນ ແຂວງ ອານຢາງ ແມ່ນເຫດການວັດທະນະທຳມີຄວາມໝາຍທາງດ້ານການເມືອງ, ພິເສດທີ່ມີຕໍ່ຊີວິດທາງດ້ານຈິດໃຈຂອງປຊຊ ຊົນເຜົ່າຂະແມ. ພາຍຫລັງດຳເນີນໄປມາເປັນເວລາ 4 ວັນນັ້ນ, ວັນບຸນດັ່ງກ່າວແມ່ນໂອກາດໂຄສະນາ, ເຊີດຊູສີສັນວັດທະນະທຳທີ່ເປັນເອກະລັກສະເພາະຂອງວົງຄະນາຍາດຊາວຊົນເຜົ່າຂະແມທີ່ມີຕໍ່ທົ່ວປະເທດກໍຄືນັກທ່ອງທ່ຽວສາກົນ, ສະແດງໃຫ້ເຫັນຄວາມເອົາໃຈໃສ່ຂອງພັກ, ລັດ ສຳລັບການອະນຸລັກຮັກສາ, ພັດທະນາຄຸນຄ່າວັດທະນະທຳທີ່ເປັນເອກະລັກສະເພາະຂອງ ປຊຊ ຊົນເຜົ່າຂະແມ. ທ່ານຫງວຽນວັນເຕີນ ຫົວຫນ້າອົງການຜູ້ຕາງຫນ້າກະຊວງວັດທະນະທຳ ກິລາ ແລະ ການທ່ອງທ່ຽວ ປະຈຳນະຄອນ ໂຮ່ຈີມີນ, ຮອງຫົວຫນ້າຄະນະປະຈຳ ຄະນະຈັດຕັ້ງວັນບຸນໃຫ້ຮູ້ວ່າ:
“ນີ້ແມ່ນເຫດການບໍ່ພຽງແຕ່ມີຄວາມໝາຍທາງດ້ານວັດທະນະທຳເທົ່ານັ້ນ ຫາກຍັງແມ່ນປການປະສານສົມທົບລະ ຫວ່າງວັດທະນະທຳ, ການເມືອງ, ຕອບສະຫນອງຄວາມມູ້ງມາດປາດຖະຫນາຂອງ ປຊຊ ຊົນເຜົ່າຂະແມ. ຜ່ານເຫດການນີ້ພວກຂ້າພະເຈົ້າຢາກເຊີດຊູສີສັນວັດທະນະທຳຂະແມ,ສີສັນວັດທະນະທຳຫວຽດນາມ ແມ່ນຫລາຍຮູບຫລາຍແບບ.“
