ຕອນເຊົ້າວັນທີ 17/1, ຢູ່ສຳນັກງານສະພາແຫ່ງຊາດ, ຄະນະປະຈຳຄະນະກຳມະການສ້າງແຜນຮ່າງ, ປັບປຸງລັດຖະທຳມະນູນປີ 1992 ໄດ້ດຳເນີນວາລະປະຊຸມຄັ້ງທີ 1 ໂດຍພາຍໃຕ້ການເປັນປະທານຂອງທ່ານປະທານສະພາແຫ່ງຊາດຫວຽດນາມຫງວຽນຊິງຮູ່ງ ແລະທ່ານຮອງປະທານສະພາແຫ່ງຊາດອວງຈູລືວ. ທີ່ວາລະປະຊຸມ, ບັນດາສະມາຊິກໃນຄະນະປະຈຳຄະນະກຳມະການ ໄດ້ປຶກສາຫາລື ແລະໃຫ້ຄຳເຫັນໃສ່ຮ່າງບົດລາຍງານສະຫລຸບການປະຕິບັດລັດຖະທຳມະນູນປີ 1992 ແລະຮ່າງບົດລາຍງານຂອງຄະນະປະຈຳຄະນະກຳມະການສ້າງແຜນຮ່າງ, ປັບປຸງລັດຖະທຳມະນູນກ່ຽວກັບບາງບັນຫາປັບປຸງ, ເພີ່ມເຕີ່ມລັດຖະທຳມະນູນປີ 1992. ກ່າວຄຳເຫັນນະທີ່ນີ້, ທ່ານປະທານສະພາແຫ່ງຊາດຫວຽດນາມຫງວຽນຊິງຮູ່ງໄດ້ຊີ້ແຈ້ງວ່າ ວາລະປະຊຸມຄັ້ງນີ້ ຂອງຄະນະປະຈຳຄະນະກຳມະການ ແມ່ນເພື່ອແນໃສ່ໃຫ້ຄຳເຫັນໃນເບື້ອງຕົ້ນ ກ່ຽວກັບການກະກຽມຈັດວາລະປະຊຸມຄົບຄະນະຂອງຄະນະກຳມະການໃນໄລຍະທີ່ຈະມາເຖິງ.
