ຕອນເຊົ້າວັນທີ 22 ມັງກອນ, ກົງກັບວັນທີ 29 ບຸນເຕັດປີມະໂຣງ 2012, ວຽກງານກະກຽມໃຫ້ແກ່ພະນັງງານ, ນັກຮົບຢູ່ເມືອງເກາະ ເຈືອງຊາ ແຂວງ ແຄງຮ່ວາຕ້ອນຮັບບຸນເຕັດໄດ້ເປັນທີ່ຮຽບຮ້ອຍແລ້ວ, ດ້ວຍຈິດໃຈເບີກບານມ່ວນຊືນ ປະຢັດ, ມີຄວາມປອດໄພ ແລະ ມີຄວາມກຽມພ້ມສູ້ຮົບຢ່າງສູງ. ໄລຍະກ່ອນທີ່ຈະ ຮອດບຸນເຕັດ, ມີກ່ຳປັ່ນບັນທຸກສິນຄ້າ 3 ລຳຂອງທະຫານເຮືອເຂດ D ໄດ້ຂົນສົ່ງວັດຖຸເຄື່ອງຂອງບຸນເຕັດນັບຮ້ອຍໂຕນໄປຍັງໝູ່ເກາະ. ພັນໂທ ຫງວຽນວັນທື ຮອງຫົວໜ້າກຳມະການການເມືອງກຳລັງທະຫານ ເຈືອງຊາ-ກອງບັນຊາການທະຫານເຮືອເຂດ D ໃຫ້ຮູ້ວ່າ : “ ແທ່ນບູຊາປະເທດຊາດ ມີຮູບລຸງໂຮ່, ມີພາໝາກໄມ້, ມີແຜ່ນຄຳກອນ, ມີງ່າດອກເໝີຍ, ດອກຄາຍ, ຢູ່ບາງຈຸດໃນເກາະກໍຍັງມີຕົ້ນໝາກແປ້ນອີກດ້ວຍ. ອັນໄດ້ສ້າງບັນຍາກາດຕ້ອນຮັບບຸນເຕັດຢ່າງອົບອຸ່ນ. ເຖິງວ່າມີຄວາມມ່ວນຊືນຕ້ອນຮັບບຸນເຕັດ, ແຕ່ພວກຂ້າພະເຈົ້າບໍ່ລືມໜ້າທີ່ຂອງຕົນ, ຍາມໃດກໍມີສະຕິລະວັງຕົວ, ກຽມພ້ອມສູ້ຮົບ ເພື່ອປົກປັກຮັກສາອະທິປະໄຕເຂດໝູ່ເກາະ ທະເລທີ່ສັກກະຫຼະບູຊາ ຂອງປະເທດຊາດ ”
