 |
(vovworld)- ຕອນເຊົ້າວັນທີ 2/8 ຢູ່ນະຄອນຫລວງ ວຽງຈັນ, ກະຊວງການຕ່າງປະເທດລາວ ໄດ້ຈັດຕັ້ງການເຄື່ອນໄຫວສະເຫລີມສະຫລອງ 17 ປີແຫ່ງວັນເຂົ້າເປັນສະມາຊິກ ອາຊຽນ(23/7/1997-23/7/2014) ສະເຫລີມສະຫລອງ 47 ປີແຫ່ງວັນສ້າງຕັ້ງ ອາຊຽນ (8/8/1967-8/8/2014). ພາຍຫລັງ 17 ປີ ແຫ່ງວັນເຂົ້າເປັນສະມາຊິກອາຊຽນ, ລາວ ໄດ້ມີການປະກອບສ່ວນຢ່າງຕັ້ງຫນ້າເຂົ້າໃນບັນດາເຫດການກ່ຽວຂອ້ງເຖິງ ອາຊຽນ. ສິ່ງດັ່ງກ່າວໄດ້ສະແດງໃຫ້ເຫັນຜ່ານການເຄື່ອນໄຫວຕ່າງໆໃນໄລຍະມໍ່ໆມານີ້ຄື: ກອງປະຊຸມສຸດຍອດຜູ້ບັນຊາການກອງທັບເຮືອຄັ້ງທີ 10, ກອງປະຊຸມປ້ອງກັນ, ຕ້ານການສໍ້ລາດບັງຫລວງພາກພື້ນ ອາຊີຕາເວັນອອກສ່ຽງໃຕ້ຄັ້ງທີ 9, ກອງປະຊຸມລັດຖະມົນຕີຄົມມະນາຄົມ ອາຊຽນ ຄັ້ງທີ 19, ກອງປະຊຸມລັດຖະມົນຕີປ່າໄມ້ ອາຊຽນ ຄັ້ງທີ 35, ກອງປະຊຸມລັດຖະມົນຕີທ່ອງທ່ຽວອາຊຽນຄັ້ງທີ 12… ນອກນັ້ນ ລາວ ກໍພວມຕັ້ງຫນ້າກະກຽມໃຫ້ແກ່ກອງປະຊຸມສະມັດຊາໃຫຍ່ລັດຖະສະພາລະຫວ່າງບັນດາປະເທດ ອາຊີຕາເວັນອອກສ່ຽງໃຕ້ ຄັ້ງທີ 35, ມູ່ງໄປສູ່ປະຊາຄົມເສດຖະກິດ ອາຊຽນ ປີ 2015 ແລະ ກະກຽມຮັບຕຳແຫນ່ງປະທານ ອາຊຽນ ໃນປີ 2016.
