ໜັງສືພິມ Straits Times ຂອງສິງກະໂປ ໄດ້ຄັດສະເໜີບົດກ່າວປາໄສຂອງທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ, ປະທານໝູນວຽນຂອງອາຊຽນ 2020 ໄດ້ຊີ້ໃຫ້ເຫັນວ່າ, ບໍ່ມີເວລາໃດທີ່ອາຊຽນ ຕ້ອງຮັບມືກັບບັນດາຄວາມສ່ຽງທີ່ໃຫຍ່ຫຼວງຄືໃນປະຈຸບັນ. ໂລກລະບາດໂຄວິດ-19 ໄດ້ ແລະ ພວມທຳລາຍບັນດາຜົນງານເສດຖະກິດ ບໍ່ພຽງແຕ່ຂອງພາກພື້ນເທົ່ານັ້ນ ຫາກຍັງຂອງທົ່ວໂລກອີກດ້ວຍ ແລະ ນາບຂູ່ເຖິງຊີວິດການເປັນຢູ່ຂອງປະຊາຊົນນັບລ້ານຄົນ. ໃນສະພາບການນັ້ນ, ຄວາມສາມັກຄີກັນເພື່ອຍົກສູງບົດບາດຂອງອາຊຽນ ກວ່າອີກ, ນັ້ນແມ່ນກຸນແຈສ້າງກຳລັງໜູນເຕີບໂຕຄືນໃໝ່.
ໜັງສືພິມ Nikkei Review ຂອງ ຍີ່ປຸ່ນ ມີບົດຂຽນທີ່ວ່າ “ຫວຽດນາມ ພວມຊີ້ໃຫ້ເຫັນບັນດາຄຸນຄ່ານຳພາໃໝ່ຂອງອາຊຽນ”, ແລະ ໄດ້ເຕື້ອງເຖິງບົດບາດຫາກໍ່ພົ້ນເດັ່ນຂອງຫວຽດນາມ. ຫວຽດນາມ ພວມກາຍເປັນ “ເຈົ້າພາທາງ” ເພື່ອຍົກອອກບັນດາການປຶກສາຫາລືກ່ຽວກັບບັນດາບັນຫາທີ່ຮ້ອນເຮັ່ງຂອງພາກພື້ນຄື: ບັນດາການຂັດແຍ້ງກັນຢູ່ທະເລຕາເວັນອອກ ຫຼື ບັນດາການຂັດແຍ້ງກັນທາງດ້ານການຄ້າລະຫວ່າງບັນດາປະເທດໃຫຍ່ທີ່ມີຜົນກະທົບເຖິງພາກພື້ນ.
ສ່ວນສຳນັກຂ່າວສານ ຊິນຮວາ ຂອງຈີນ ກໍ່ມີບົດຂຽນກ່ຽວກັບກອງປະຊຸມສຸດຍອດອາຊຽນ ຄັ້ງທີ 36 ນີ້. ບົດຂຽນກໍ່ໄດ້ຄັດສະເໜີບົດກ່າວປາໄສຂອງທ່ານນາຍົກລັດຖະມົນຕີ ຫງວຽນຊວັນຟຸກ, ໃນນັ້ນໄດ້ຢັ້ງຢືນວ່າ ໂລກລະບາດໂຄວິດ- 19 ແມ່ນກາລະໂອກາດເພື່ອພິສູດໃຫ້ເຫັນຄວາມສາມັກຄີຂອງອາຊຽນ, ພ້ອມກັນກ້າວຂຶ້ນໄປທາງໜ້າ.
