ສະຫະປະຊາຊາດແຈ້ງສັນຍານໄພສະພາບການຕົວຈິງ “ຫັນເປັນປົກກະຕິ” ການນຳໃຊ້ອາວຸດເພື່ອແກ້ໄຂບັນດາການຂັດແຍ້ງສາກົນ

ທ່ານ Volker Turk, ຂ້າຫຼວງໃຫຍ່ສິດທິມະນຸດສະຫະປະຊາຊາດ (ພາບ: REUTERS)

ວັນທີ 27 ກຸມພາ, ທ່ານ Volker Turk, ຂ້າຫຼວງໃຫຍ່ສິດທິມະນຸດສະຫະປະຊາຊາດ ໄດ້ອອກສຽງແຈ້ງສັນຍານໄພກ່ຽວກັບສະພາບ “ຫັນເປັນປົກກະຕິ” ການນຳໃຊ້ອາວຸດເພື່ອແກ້ໄຂບັນດາການຂັດແຍ້ງສາກົນ, ພ້ອມກັນນັ້ນ ກໍ່ໃຫ້ຮູ້ວ່າ ຈຳນວນການປະທະກັນທີ່ໃຊ້ອາວຸດໄດ້ເພີ່ມຂຶ້ນທົບ 2 ເທົ່ານັບແຕ່ປີ 2010.

ກ່າວຄຳເຫັນຕໍ່ສະພາສິດທິມະນຸດສະຫະປະຊາຊາດ, ທ່ານ Volker Turk, ກ່າວເຕືອນວ່າ ໂລກພວມກາຍເປັນຄວາມອັນຕະລາຍຍິ່ງກວ່າເວລາໃດໝົດ ເມື່ອມີເກືອບ 60 ບັ້ນປະທະກັນທີ່ພວມເກີດຂຶ້ນ. ການແກ່ງແຍ້ງສິດອຳນາດເພື່ອຄວບຄຸມຜືນແຜ່ນດິນ ແລະ ພະລັງງານພວມຢຽບຍ່ຳບັນດາສິດເປັນພື້ນຖານ. ທ່ານຮຽກຮ້ອງໃຫ້ປະຊາຄົມສາກົນ ບໍ່ເມີນເສີຍຕໍ່ສະພາບລະບົບກົດໝາຍມະນຸດສະທຳ ແລະ ສິດທິມະນຸດສາກົນທີ່ພວມຖືກທຳລາຍ, ພ້ອມກັນນັ້ນ ກໍ່ຮຽກຮ້ອງໃຫ້ບັນດາການນຳການເມືອງ ມີການກະທຳຢ່າງຮີບເຮັ່ງເພື່ອຕ່າວປີ້ນທ່າອ່ຽງທີ່ອັນຕະລາຍນີ້.