 |
(vovworld)- ວັນທີ 30/1, ສະພາວິສາຫະກິດຈີນ -ອາຊຽນ ປະກາດບົດລາຍງານໄຕມາດທີ 4/2014 ກ່ຽວກັບເຂດການຄ້າເສລີ ອາຊຽນ -ຈີນ ແລະ ບັນຊີລາຍຊື່ບັນດາເຄື່ອງໝາຍການຄ້າທີ່ມີຊື່ສຽງຂອງ ອາຊຽນ -ຈີນ ຄັ້ງທີ 7. ບົດລາຍງານໄດ້ໄຈ້ແຍກສະພາບການເສດຖະກິດບັນດາປະເທດ ອາຊຽນ ແລະ ຈີນໃນໄຕມາດທີ 4/2014, ທົບທວນຄືນບັນດາໝາກຜົນຮ່ວມມືເສດຖະກິດ, ການຄ້າ ອາຊຽນ - ຈີນ ໃນປີຜ່ານມາ ແລະ ແງ່ຫວັງການພັດທະນາປີ 2015. ປີ 2014, ວົງເງິນການຄ້າ ຈີນ -ອາຊຽນ ກວມກວ່າ 11% ຍອດວົງເງິນການຄ້າຕ່າງປະເທດຂອງຈີນ ແລະ ເພີ່ມຂຶ້ນ 10,6% ເມື່ອທຽບໃສ່ປີ 2013. ລະດັບເຕີບໂຕຂອງວົງເງິນການຄ້າສອງຝ່າຍບັນລຸ 8,3%. ເປັນຫນ້າສົນໃຈ ຫວຽດນາມ ກາຍເປັນຄູ່ຮ່ວມມືດ້ານການຄ້າໃຫຍ່ອັນດັບ 2 ຂອງຈີນ ໃນພາກພື້ນ ອາຊຽນ, ຖັດມາແມ່ນ ມາເລເຊຍ. ຄາດວ່າ ທ້າຍປີ 2015, ສອງຝ່າຍຈະສຳເລັດການເຈລະຈາຍົກລະດັບເຂດການຄ້າເສລີ ອາຊຽນ - ຈີນ, ປະຕິບັດແຜນການພົວພັນຄູ່ຮ່ວມມືເສດຖະກິດຮອບດ້ານພາກພື້ນ RCEP, ປະຕິບັດປີຮ່ວມມືທະເລ ອາຊຽນ -ຈີນ ແລະ ຈັດຕັ້ງການເຄື່ອນໄຫວເພີ່ມທະວີການຮ່ວມມືແລກປ່ຽນສອງຝ່າຍ.
