 (ພາບປະກອບ: TTXVN) |
ກ່າວຄຳເຫັນຢູ່ເວທີປາໄສ AMF ແລະ EAMF, ທ່ານ ວູ່ໂຮ່, ຫົວໜ້າຄະນະຜູ້ແທນ ຫວຽດນາມ, ຕີລາຄາສູງຕໍ່ກັບເວທີປາໄສໃນການຊຸກຍູ້ການຮ່ວມມືທາງທະເລໃນ ASEAN ແລະ ລະຫວ່າງອາຊ່ຽນກັບບັນດາຄູ່ຮ່ວມມື, ເນັ້ນຫນັກເຖິງຄວາມສໍາຄັນຂອງການຮັກສາບົດບາດໃຈກາງຂອງ ASEAN ຢູ່ພາກພື້ນກໍ່ຄືຂົງເຂດການຮ່ວມມືທາງທະເລ, ສົ່ງເສີມຄູ່ຮ່ວມມືສືບຕໍ່ສະໜັບສະໜູນ ASEAN ບົນຈິດໃຈໂປ່ງໃສ, ໜ້າໄວ້ເນື້ອເຊື່ອໃຈ ແລະ ປຶກສາຫາລື, ເພີ່ມທະວີການຮ່ວມມືກັບ ASEAN ໂດຍຜ່ານບັນດາກົນໄກໂດຍ ASEAN ນຳພາ.
ຢູ່ທີ່ເວທີປາໄສ ທ່ານ ວູ່ໂຮ່ ໄດ້ເນັ້ນຫນັກເປັນພິເສດເຖິງຄວາມຈຳເປັນຂອງການປ້ອງກັນ ແລະ ປັກປັກຮັກສາສິ່ງແວດລ້ອມທະເລ, ສະເໜີໃຫ້ຖືນີ້ແມ່ນຫົວຂໍ້ແລກປ່ຽນກ່ຽວກັບທະເລເປັນປະຈຳຢູ່ໃນພາກພື້ນ ໃນເວລາທີ່ຈະມາເຖິງນີ້.
ຕໍ່ໜ້າການຜັນແປທີ່ສັບສົນຢູ່ທະເລຕາເວັນອອກ, ຫວຽດນາມ ຢືນຢັນຄືນໃໜ່ກ່ຽວກັບຄວາມສະເໝີຕົ້ນສະເໝີປາຍ, ຫຼັກການ, ເນັ້ນຫນັກເຖິງຜົນປະໂຫຍດ ແລະ ຮັບຜິດຊອບຂອງບັນດາປະເທດໃນການສູ້ຊົນກໍ່ສ້າງທະເລຕາເວັນອອກໃຫ້ກາຍເປັນຂົງເຂດທະເລທີ່ມີສັນຕິພາບ, ຮ່ວມມື ແລະ ມີສະຖານລະພາບ.
