ຫ​ວຽດ​ນາມ ມາ​ນະ​ພະ​ຍາ​ຍາມ ປະ​ຕິ​ບັດ​ສຳ​ເລັດບົດ​ບາດ ເປັນ ປະ​ທານ ປະ​ຊາ​ຄົມ ວັດ​ທະ​ນະ​ທຳ - ສັງ​ຄົມ ອາ​ຊຽນ

ທ່ານ ດ່າວງອກຢຸງ ລັດຖະມົນຕີ ກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ (ພາບ: TTXVN)

ທ່ານ ດ່າວງອກຢຸງ ລັດຖະມົນຕີ ກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ໃຫ້ຮູ້ວ່າ ດ້ວຍຖານະເປັນປະທານຂອງ ປະຊາຄົມວັດທະນະທຳ - ສັງຄົມ ໃນປີ 2020, ຫວຽດນາມ ຈະສຸມໃສ່ 5 ເນື້ອໃນບຸລິມະສິດ ເຊິ່ງ ຄະນະກຳມະການແຫ່ງຊາດ ກ່ຽວກັບ ອາຊຽນໄດ້ວາງອອກ, ບົນພື້ນຖານນັ້ນ ຈະສ້າງແຜນການເຄື່ອນໄຫວລະອຽດລວມ 33 ຢ່າງ. ທ່ານ ດ່າວງອກຢຸງ ກ່າວວ່າ:

“ສອງບຸລິມະສິດຂອງ ຫວຽດນາມ ແມ່ນ: ພັດທະນາແຫຼ່ງຊັບພະຍາກອນມະນຸດ ຖືມະນຸດແມ່ນເປົ້າໝາຍ, ແມ່ນກຳລັງໜູນ ເພື່ອສ້າງການເຊື່ອມຕໍ່ລະຫວ່າງບັນດາປະເທດອາຊຽນ, ເປັນຕົ້ນແມ່ນກ່ຽວກັບວັດທະນະທຳ ແລະ ມະນຸດ. ທີ 2 ແມ່ນ ສຸມໃສ່ ຫົວເລື່ອງ “ພັດທະນາວຽກງານສັງຄົມ ເພື່ອໃຫ້ທຸກຄົນເຂົ້າຮ່ວມ”. ທຸກຄົນ ລ້ວນແຕ່ຕອບສະໜອງ ແລະ ດຳລົງຊີວິດໃນໂລກ ທີ່ມີການຮັບມື ແລະ ເຊື່ອມໂຍງ”