( ພາບ : http://unfccc.in )
ວັນທີ 1 ທັນວາ, ຕອບຄຳສຳພາດຕໍ່ນັດຂ່າວສຳນັກຂ່າວສານ ຫວຽດນາມ ປະຈຳ ອາປະລິກາໃຕ້, ທ່ານ ຟ້າມວັນເຕີນ, ຮອງຫົວໜ້າກົມຮ່ວມມືກັບສາກົນສັງກັດກະຊວງຊັບພະຍາກອນສິງແວດລ້ອມ, ຮອງຫົວໜ້າຄະນະຜູ້ແທນ ຫວຽດນາມ ທີ່ເຂົ້າຮ່ວມກອງປະຊຸມຂອງສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດຄັ້ງທີ່ 17 ( ຫຼື COP 17 ) ຢູ່ Durban ໃຫ້ຮູ້ວ່າ ທີ່ກອງປະຊຸມຄັ້ງນີ້, ຄະນະຜູ້ແທນ ຫວຽດນາມ ໄດ້ເຂົ້າຮ່ວມບັນດາການສຳມະນາຮ່ວມ, ຫຼາຍຝ່າຍ ແລະ 2 ຝ່າຍຢ່າງຕັ້ງໜ້າ. ຄະນະຜູ້ແທນ ຫວຽດນາມ ກໍ່ໄດ້ປຶກສາຫາລື ແລະ ຮັບຮອງເອົາບັນຫາທີ່ເປັນພື້ນຖານຕ່າງໆ ແລະ ມາດຕະການຮັບມືກັບການປ່ຽນແປງຂອງດິນຟ້າອາກາດທົ່ວໂລກ ເພື່ອແນໃສ່ຍົກສູງທີ່ຕັ້ງບົດບາດຂອງກຸ່ມບັນດາປະເທດພວມພັດທະນາ ແລະ ຫວຽດນາມ. ພ້ອມກັນນັ້ນ, ຫວຽດນາມ ກໍ່ປະກອບຄວາມເຫັນໃຫ້ແກ່ເນື້ອໃນ, ບົດບາດໜ້າທີ່ຂອງເອກສານຕ່າງໆທີ່ກ່ຽວຂ້ອງເຖິງການປ່ຽນແປງຂອງດິນຟ້າອາກາດທົ່ວໂລກ, ຫວຽດນາມຍັງເຂົ້າຮ່ວມການເຈລະຈາ 2 ຝ່າຍກັບບັນດາປະເທດ ແລະ ຄູ່ຮ່ວມມືເພື່ອຊອກຫາບັນດາທັດສະນະລວມຫຼຸດຜ່ອນຄວາມບໍ່ລົງລອຍກັນ ແລະ ເພີ່ມທະວີການສົບທົບ, ຮ່ວມມື ແລະ ຊ່ວຍເຫຼືອ ຫວຽດນາມ ໃນການຮັບມືກັບການປ່ຽນແປງຂອງດິນຟ້າອາກາດຢ່າງມີປະສິດທິຜົນ .
