ທ່ານລັດຖະມົນຕີ ກາວດຶກຟາດທີ່ວາລະປະຊຸມວິໄສທັດໃຫມ່ໃນກະສິກຳ
ທີ່ວາລະປະຊຸມຫົວເລື່ອງສະເພາະກ່ຽວກັບການຜັນຂະຫຍາຍການປະຕິບັດ “ວິໄສທັດໃຫມ່ໃນກະສິກຳ” ຊຶ່ງດຳເນີນໄປໃນຂອບເຂດເວທີປາໄສເສດຖະກິດໂລກຄັ້ງທີ 42 ຢູ່ Davos, ຫວຽດນາມ ໄດ້ຮັບການຍົກອອກແມ່ນແບບຢ່າງດີເດັ່ນສຳລັບການຊຸກຍູ້ການພັດທະນາກະສິກຳຢູ່ບັນດາປະເທດພວມພັດທະນາ. ກ່າວຄຳເຫັນທີ່ວາລະປະຊຸມ, ທ່ານ ກາວດຶກຟາດ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ໄດ້ແນະນຳການເຄື່ອນໄຫວຂອງ 5 ໝວດວຽກງານ ຊື່ງລວມມີ: ຊາ, ກາເຟ, ຜັກ ໝາກໄມ້, ສິນໃນນ້ຳ ແລະ ໝວດສິນຄ້າລວມ ພ້ອມກັບບົດຮຽນໃນການຜັນຂະຫຍາຍຂອງຫວຽດນາມ. ທ່ານລັດຖະມົນຕີ ກາວດຶກຟາດ ຊີ້ແຈງວ່າ ໝວດວຽກງານທັງໝົດ ລ້ວນແຕ່ພະຍາຍາມນຳໃຊ້ຄວາມກ້າວຫນ້າດ້ານເຕັກນິກໃຫມ່ ແລະ ມາດຕະຖານກ່ຽວກັບຫລັກອະນາໄມຄວາມປອດໄພດ້ານສະບຽງອາຫານ. ໃນສະພາບການ ຫວຽດນາມ ສືບຕໍ່ຍູ້ແຮງການພັດທະນາຜະລິດຕະພັນກະເສດ ແລະ ສ້າງພື້ນຖານເສດຖະກິດຄືນໃຫມ່, ບັນດາຄວາມມານະພະຍາຍາມຂອງໝວດວຽກງານໄດ້ໄປຖືກທິດ ຍົກສູງມູນຄ່າ ເພື່ອບັນລຸຈຸດໝາຍລວມ ແມ່ນເພີ່ມລາຍຮັບໃຫ້ແກ່ຊາວກະສິກອນ ແລະ ພັດທະນາແບບຍືນຍົງກັບສິ່ງແວດລ້ອມ.
