ວັນທີ 1/12, ຫ້ອງການການຄ້າເອີລົບປະຈຳຫວຽດນາມ ໄດ້ຈັດການປະຊຸມຂ່າວປະກາດປື້ມປົກຂາວ 2012 ທີ່ມີຫົວຂໍ້ວ່າ: “ບັນດາບັນຫາດ້ານການຄ້າ, ການລົງທຶນ ແລະຂໍ້ສະເໜີ”. ກໍ່ເຊັ່ນດຽວກັນກັບການພິມຈຳໜ່າຍ 3 ຄັ້ງກ່ອນ, ປື້ມປົກ ຂາວ 2012 ໄດ້ສະຫລຸບບັນດາບັນຫາຕົ້ນຕໍ ກໍ່ຜົນສະທ້ອນເຖິງສະພາບແວດລ້ອມແຫ່ງການດຳເນີນທຸລະກິດຂອງບັນດາວິສາຫະກິດເອີລົບຢູ່ຫວຽດນາມ. ປື້ມປົກຂາວ 2012 ໃຫ້ຂໍ້ສັງເກດວ່າ, ໃນປີ 2011, ຫວຽດນາມບັນລຸໄດ້ບັນດາຄວາມກ້າວໜ້າໃນການປົວແປງສະພາບແວດລ້ອມຂອງເສດຖະກິດມະຫາພາກ, ສຳເລັດກອບ ກົດໝາຍ, ປົກປ້ອງນັກລົງທຶນ ແລະປະຕິບັດສັນຍາ… ໃນຂົງເຂດທະນາຄານ, ປື້ມປົກຂາວ 2012 ສະເໜີໃຫ້ທະນາຄານແຫ່ງລັດຫວຽດນາມ ຈົ່ງສືບຕໍ່ປະກາດໃຊ້ບັນດາການແນະນຳຊຸກຍູ້ການປ່ຽນໃໝ່ຂອງຕະຫຼາດກໍ່ຄືບັນດາມາດຕະການເພີ່ມທະວີກຳລັງແຮງຂອງຂະແໜງທະນາຄານ.
