 ອາຊຽນເປັນເຈົ້າການຮັບມື, ຫຼຸດຜ່ອນຄວາມສ່ຽງຢູ່ໃນລະດັບຕ່ຳສຸດ |
ບັນດາຂໍ້ລິເລີ່ມ, ບຸລິມະສິດຂອງ ຫວຽດນາມໃນປີ ເປັນປະທານ ອາຊຽນ 2020 ແມ່ນ ສຸມໃສ່ເຂົ້າບັນດາຂົງເຂດຄື: ການຄ້າເອເລັກໂຕນິກ, ການຄ້າຂາຍສິນຄ້າ, ພະລັງງານ, ເຕັກໂນໂລຢີ - ຂໍ້ມູນຂ່າວສານ, ກະສິກຳ, ພັດທະນາແບບຍືນຍົງ, ການເງິນ, ສະຖິຕິ, ປ່ຽນແປງໃໝ່ປະດິດຄິດສ້າງ…ທ່ານ ເລືອງຮ່ວາງທ້າຍ, ຫົວໜ້າກົມນະໂຍບາຍສາກົນ, ສັງກັດກະຊວງອຸດສາຫະກຳ - ການຄ້າ ຫວຽດນາມໃຫ້ຮູ້ວ່າ:
ປີນີ້, ພວກເຮົາຕ້ອງວາງອອກປະຖົມປັດໄຈໃຫ້ແກ່ການກວດກາຄືນ ບັນຫາຄວນໃຫ້ບຸລິມະສິດທັງໝົດແກ່ວຽກງານສ້າງປະຊາຄົມອາຊຽນ. ຫວຽດນາມໄດ້ຍົກອອກຂໍ້ລິເລີ່ມເພື່ອໃຫ້ອາຊຽນເພີ່ມທະວີການຄ້າພາຍໃນກຸ່ມ. ຂໍ້ລິເລີ່ມນີ້ໄດ້ຮັບຄວາມສົນໃຈ ແລະ ຕີລາຄາສູງທີ່ສຸດຈາກບັນດາປະເທດອາຊຽນ.
ທີ່ກອງປະຊຸມ, ບັນດາລັດຖະມົນຕີເສດຖະກິດ ອາຊຽນໄດ້ຮັບຮອງເອົາ12 ໃນຈຳນວນ 13 ຂໍ້ລິເລີ່ມບຸລິມະສິດຂອງ ຫວຽດນາມ ແມ່ນໝາກຜົນສຳຄັນ, ເປັນການຢັ້ງຢືນບົດບາດຂອງອາຊຽນ ເພື່ອມຸ່ງໄປເຖິງການປັບປຸງກຸ່ມກ້ອນສາມັກຄີພາຍໃນພາກພື້ນ, ເພີ່ມທະວີກຳລັງແຮງພາຍໃນກຸ່ມ, ຍົກສູງບົດບາດຂອງສະມາຄົມເສດຖະກິດອາຊຽນ.
ຕໍ່ໜ້າການຜັນແປທີ່ສັບສົນຂອງໂລກລະບາດ Covid – 19, ຫວຽດນາມ ດ້ວຍບົດບາດເປັນປະທານອາຊຽນ 2020 ໄດ້ສະເໜີໃຫ້ຍົກອອກຖະແຫຼງການຮ່ວມຂັ້ນລັດຖະມົນຕີເພື່ອແນໃສ່ຮັກສາລະບົບການສະໜອງ ແລະ ຄວາມສາມາດໃນການຟື້ນຟູເສດຖະກິດ ຂອງ ອາຊຽນ, ເປັນເຈົ້າການຮັບມື ແລະ ຫຼຸດຜ່ອນຄວາມສ່ຽງໃຫ້ຢູ່ໃນລະດັບຕ່ຳສຸດ.
