 ທ່ານນາຍົກລັດຖະມົນຕີ ລາວ ທອງສິງ ທຳມະວົງ
ພາບ:TTXVN |
(vovworld)- ກອງປະຊຸມຂັ້ນລັດຖະມົນຕີ ອາຊຽນ ກ່ຽວກັບການພັດທະນາຊົນນະບົດ ແລະ ລົບລ້າງຄວາມອຶດຫິວທຸກຍາກ ຄັ້ງທີ 9 ດ້ວຍຫົວຂໍ້ “ຄູ່ຮ່ວມມືພາກເອກະຊົນ ແລະ ປະຊາຊົນ ເພື່ອການພັດທະນາແບບຍືນຍົງຢູ່ ອາຊຽນ ຫລັງປີ 2015” ໄດ້ໄຂຂຶ້ນໃນວັນທີ 17/10 ຢູ່ນະຄອນຫລວງ ວຽງຈັນ. ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີ ລາວ ທອງສິງ ທຳມະວົງ ເຊືື່ອໝັ້ນວ່າ ກອງປະຊຸມຄັ້ງນີ້ ຈະແມ່ນເວທີປາໄສສຳຄັນ, ຊຸກຍູ້ຄວາມເຂົ້າອົກເຂົ້າໃຈເຊິ່ງກັນ ແລະກັນ ພ້ອມທັງແມ່ນກາລະໂອກາດດີເພື່ອໃຫ້ບັນດາປະເທດອາຊຽນ ແລກປ່ຽນບົດຮຽນລ້ຳຄ່າໃນວຽກງານພັດທະນາຊົນນະບົດ ແລະ ລົບລ້າງຄວາມອຶດຫິວທຸກຍາກ ຜ່ານນັ້ນ ຊ່ວຍຮັດແຫນ້ນການພົວພັນຮ່ວມມືໃນອາຊຽນກວ່າ. ໃນຂະນະນັ້ນ ທ່ານເລຂາທິການໃຫຍ່ ອາຊຽນ ເລເລືອງມີງ ໃຫ້ຮູ້ວ່າ: ການພັດທະນາແບບຍືນຍົງ ແມ່ນບຸລິມະສິດໃຫຍ່ ໃນວິວັດການສ້າງປະຊາຄົມ ອາຊຽນ ກໍຄື ໃນວິໄສທັດ 2025 ຊື່ງບັນດາການນຳ ອາຊຽນ ຈະຮັບຮອງເອົາທີ່ກອງປະຊຸມຄັ້ງຈະມາເຖິງ.
