ທ່ານ Putin : ເສດຖະກິດລັດເຊຍປະຈຸບັນເທົາກັບ 2/3ຂອງລະດັບ ກ່ອນໄລຍະວິກິດການ
(ພາບ: vietnamese.ruvr.ru) ລັດເຊຍສາມາດຟື້ນຟູພື້ນຖານເສດຖະກິດເຖິງລະດັບເທົ່າກັບ 2/3ຂອງລະດັບ ກ່ອນໄລຍະວິກິດການ. ກ່າວຄຳເຫັນທາງໂທລະພາບເມື່ອວັນທີ່ 17 ມັງກອນ, ທ່ານນາຍົກລັດຖະມົນຕີລັດເຊຍ Vladimir Putin ຢືນຢັນວ່າ ອັດຕາແລກປ່ຽນຂອງສະກຸນເງິນ ຣຸບ ພວມມີຄວາມສະຫງົບໝັ້ນທ່ຽງ, ການສະສົມຄຳ ແລະ ເງິນຕາຕ່າງປະເທດເລີ່ມເພີ່ມຂຶ້ນ, ພິເສດຂົງເຂດຜະລິດລູກສອນໄຟໄດ້ບັນລຸລະດັບການ ເຕີບໂຕ 12%. ທ່ານນາຍົກລັດຖະມົນຕີລັດເຊຍ Vladimir Putinຊີ້ແຈ້ງວ່າ ຄວນບັນລຸການເຕີບໂຕໄວກ່ວາໂດຍພື້ນຖານເສດຖະກິດເທັກໂລໂນຢີໃໝ່.ແຕ່ທ່ານ ນາຍົກລັດຖະມົນຕີລັດເຊຍ Vladimir Putinກໍໄດ້ເນັ້ນເຖິງສິ່ງສຳຄັນ ແມ່ນມີບາງ ການປ່ຽນແປງໂດຍພື້ນຖານທີ່ມີ ລັກສະນະໂຄງປະກອບໃນພື້ນຖານເສດຖະກິດ.
ທ່ານນາຍົກລັດຖະມົນຕີລັດເຊຍ Vladimir Putinໃຫ້ຮູ້ວ່າ ໄດ້ໃຊ້ຈາຍເງິນ 3000 ຕື້ຣຸບໃຫ້ແກ່ບັນດາ ມາດຕະການ ຕ້ານວິກິດການ. ຕາມທ່ານແລ້ວ, ໃນໄລຍະວິກິດການ, ອຳນາດການປົກຄອງບໍ່ມີຄວາມ ຜິດພາດແຕ່ຢ່າງໃດ. ທ່ານຍັງໃຫ້ຮູ້ວ່າ ລັດຖະບານລັດເຊຍຈະຮຽບຮຽງບັນດາຮ່າງກົດໝາຍ ແລະ ມະຕິ ກ່ຽວກັບການຮັບມື ກັບກໍລະນີ ຈະເກີດວິກິດການເສດຖະກິດຄັ້ງທີ່ 2 .
