ນັກຂ່າວວິທະຍຸກະຈາຍສຽງ ຫວຽດນາມ ປະຈຳ ກຳປູເຈຍ ໃຫ້ຂ່າວວ່າ. ກອງປະຊຸມວົງແຄບລັດຖະມົນຕີການຕ່າງປະເທດ ອາຊຽນ ໄດ້ຖືກໄຂຂື້ນໃນຕອນເຊົ້າວັນທີ 11 ມັງກອນຢູ່ນະຄອນ Siem Reap ປະເທດ ກຳປູເຈຍ. ນີ້ແມ່ນກອງປະຊຸມຂັ້ນລັດຖະມົນຕີຄັ້ງທຳອິດຢ່າງເປັນທາງການໂດຍ ກຳປູເຈຍ ເປັນປະທານໃນປີນີ້ດ້ວຍຖານະຕຳແໜ່ງເປັນປະທານ ອາຊຽນ. ສະນັ້ນ, ກອງປະຊຸມມີບົດບາດສຳຄັນໃນວຽກງານສ້າງຄວາມເປັນເອກະພາບ ແລະ ກະກ່ຽມເນື້ອໃນ, ໂຄງການດຳເນີນງານໃຫ້ແກ່ບັນດາກອງປະຊຸມຂັ້ນສູງ ອາຊຽນ ແລະ ກອງປະຊຸມຂັ້ນສູງຄັ້ງຕ່າງໆທີ່ກ່ຽວຂ້ອງເຊິ່ງຈະຈັດຂື້ນໃນປີ 2012 ນີ້. ບັນດາຫົວຂໍ້ຂອງກອງປະຊຸມ ອາຊຽນ ໃນປີ 2012 ນີ້ໂດຍປະເທດເຈົ້າພາບ ກຳປູເຈຍ ຍົກອອກມານັ້ນແມ່ນ “ ອາຊຽນ, ປະຊາຄົມໜື່ງ, ຮ່ວມຊາຕາກຳ ” ຫົວຂໍ້ດັ່ງກ່າວສ່ອງແສງເຖິງບັນດາເນື້ອໃນຕົ້ນຕໍ່ຂອງໂຄງການດຳເນີນງານເຊິ່ງ ກຳປູເຈຍ ໃຫ້ບຸລິມະສິດ ນັ້ນແມ່ນຊຸກຍູ້ການເຊື່ອມໂຍງພາຍໃນພາກພື້ນ ແລະ ການຮ່ວມມືໃນ ອາຊຽນ ຍິ່ງກວ່າອີກ, ເພີ່ມທະວີການເຊື່ອມຕໍ່ ອາຊຽນ, ມຸ່ງໄປສູ່ການປະຕິບັດຈຸດໝາຍກໍ່ສ້າງປະຊາຄົມ ອາຊຽນ ໃນປີ 2015. ທ່ານລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມຄັ້ງນີ້ .
