 ບັນດາທ່ານລັດຖະມົນຕີການຕ່າງປະເທດ ອາຊຽນ, ການນຳຄະນະເລຂາອາຊຽນ ພ້ອມກັບທ່ານ Prak Sokhon ຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດ ອາຊຽນ. (ພາບ:ສຳນັກຂ່າວສານຫວຽດນາມ) |
ວັນທີ 17 ກຸມພາ, ກອງປະຊຸມວົງແຄບລັດຖະມົນຕີການຕ່າງປະເທດ ອາຊຽນ (AMMR) ໄດ້ດຳເນີນຕາມຮູບການໂດຍກົງ ແລະ ທາງໄກ ຢູ່ ນະຄອນຫລວງ ພະນົມເປັນ ປະເທດ ກຳປູເຈຍ ເພື່ອແນໃສ່ປຶກສາຫາລືບັນດາບັນຫາຄື: ໂລກລະບາດໂຄວິດ 19, ການຟື້ນຟູເສດຖະກິດຮອບດ້ານ ແລະການພົວພັນກັບບັນດາຄູ່ຮ່ວມມືຄູ່ເຈລະຈາ.
ກອງປະຊຸມໂດຍທ່ານ ລັດຖະມົນຕີການຕ່າງປະເທດ ກຳປູເຈຍ ເປັນປະທານ ແລະ ມີການເຂົ້າຮ່ວມໂດຍກົງຂອງລັດຖະມົນຕີການຕ່າງປະເທດ ອິນໂດເນເຊຍ, ມາເລເຊຍ, ຟີລີບປິນ, ສິງກະໂປ ແລະ ລາວ. ບັນດາທ່ານລັດຖະມົນຕີການຕ່າງປະເທດ ບຣູໄນ, ໄທ ແລະ ຫວຽດນາມເຂົ້າຮ່ວມທາງໄກ ໃນຂະນະນັ້ນ ມຽນມາ ບໍ່ບົ່ງຕົວຜູ້ຕາງຫນ້າເຂົ້າຮ່ວມ.
ກອງປະຊຸມ ຈະປະຕິບັດການແລກປ່ຽນທັດສະນະກ່ຽວກັບວິທີການເພີ່ມທະວີການພົວພັນການຕ່າງປະເທດກັບບັນດາຄູ່ຮ່ວມມືຄູ່ເຈລະຈາກວ່າອີກ ພ້ອມທັງ ຮັກສາ ແລະ ຊຸກຍູ້ບົດບາດໃຈກາງ, ສາມັກຄີ ແລະ ເປັນເອກະພາບຂອງ ອາຊຽນ. ບັນດາທ່ານລັດຖະມົນຕີ ກໍ່ຈະປຶກສາຫາລືກ່ຽວກັບສິ່ງທ້າທາຍ ແລະ ມາດຕະການເພື່ອພ້ອມກັນຫນູນຊ່ວຍສ້າງປະຊາຄົມ ອາຊຽນ ແບບຍືນຍົງ, ຂະຫຍັນຂັນເຄື່ອນ, ສັນຕິພາບ ແລະ ວັດທະນາຖາວອນກວ່າ. ຄຽງຂ້າງນັ້ນ ບັນດາບັນຫາພາກພື້ນ ແລະ ສາກົນ ທີ່ຕ່າງຝ່າຍຕ່າງມີຄວາມສົນໃຈ ກໍ່ຈະໄດ້ຍົກອອກມາປຶກສາຫາລື.
