 ບັນດາຜູ້ແທນເຂົ້າຮ່ວມກອງປະຊຸມ (ພາບ: baoquocte.vn) |
ກອງປະຊຸມເພື່ອແນໃສ່ກະກຽມ ແລະ ກວດກາຄືນບັນດາເນື້ອໃນຕົ້ນຕໍ ທີ່ຈະໄດ້ນໍາມາປຶກສາຫາລືໃນກອງປະຊຸມວົງແຄບລັດຖະມົນຕີການຕ່າງປະເທດ ອາຊຽນ (AMM Retreat) ເຊິ່ງຈະດໍາເນີນໃນວັນທີ 17 ມັງກອນ ຈະມາເຖິງ ໂດຍພາຍໃຕ້ການເປັນປະທານຂອງທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິນ.
ນີ້ແມ່ນກອງປະຊຸມຂັ້ນລັດຖະມົນຕີຄັ້ງທໍາອິດ, ເປີດສາກໃຫ້ແກ່ບັນດາການເຄື່ອນໄຫວຂັ້ນສູງໃນປີເປັນປະທານ ອາຊຽນ ຂອງ ຫວຽດນາມ. ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກວ໊ກຢຸງ, ຫົວໜ້າ SOM ອາຊຽນ ຫວຽດນາມ ໃຫ້ຮູ້ວ່າ: ທີ່ກອງປະຊຸມວົງແຄບລັດຖະມົນຕີກະຊວງການຕ່າງປະເທດ ບັນດາປະເທດອາຊຽນ, ບັນດາຜູ້ແທນຈະໄດ້ຕົກລົງກ່ຽວກັບການກໍານົດທິດລາຍການປະຕິບັດງານຂອງທັງປີ ອາຊຽນ; ແນະນໍາບັນດາແນວຄວາມຄິດ, ຂໍ້ລິເລີ່ມຂອງຫວຽດນາມໃນປີເປັນປະທານ ອາຊຽນ ກໍຄືບັນດາຄວາມຫວັງຂອງ ອາຊຽນ 2020 ເພື່ອໃຫ້ບັນດາປະເທດປະກອບຄໍາເຫັນ. ໝາກຜົນຂອງກອງປະຊຸມຈະໄດ້ປະກາດໃນກອງປະຊຸມຖະແຫຼງຂ່າວ ເຊິ່ງຈະຈັດຂຶ້ນໃນຕອນບ່າຍຂອງວັນທີ 17 ມັງກອນ.
