 ກ່ຳປັ່ນຂອງຈີນ ຢູ່ເຂດຫີນ ບາເດົ່າ ຂຶ້ນກັບເຂດຊິງຕົນ ຢູ່ເມືອງເກາະເຈື່ອມຊາ ຂອງ ຫວຽດນາມ (ພາບ: ກຳລັງປ້ອງກັນຟີລິບປິນ)
|
ພາຍຫຼັງ ຈີນ ນຳກ່ຳປັ່ນໄປຍັງ ເຂດຫີນບາເດົ່າ ຂຶ້ນກັບ ຊິງຕົນ ໃນໝູ່ເກາະເຈື່ອງຊາ ຂອງ ຫວຽດນາມ, ໜັງສືພິມ ອົດສະຕາລີ ໄດ້ລົງຂ່າວກ່ຽວກັບການກະທຳນີ້ ແລະ ຄັດສະເໜີຄຳເຫັນຂອງນັກຊ່ຽວຊານທີ່ໃຫ້ຂໍ້ສັງເກດກ່ຽວກັບການກະທຳດັ່ງກ່າວຂອງ ຈີນ.
ໜັງສືພິມ The Sydney Morning Herald ໃຫ້ຮູ້ວ່າ ໄດ້ພົບເຫັນການມີໜ້າຂອງກ່ຳປັ່ນຫາປາກ່ວາ 200 ລຳຂອງຈີນ ທີ່ຖືກສົງໄສວ່າ ແມ່ນກ່ຳປັ່ນທະຫານ ຢູ່ເຂດຫີນ ບາເດົ່າ.
ບົດຂຽນຄັດສະເໜີຖະແຫຼງການຂອງສະຖານທູດ ອາເມລິກາ ປະຈຳ ຟີລິບປິນ ໃຫ້ຮູ້ວ່າ: “ບັນດາກ່ຳປັ່ນຂອງ ຈີນ ໄດ້ເຂົ້າມາເຂດນີ້ ໃນຫຼາຍເດືອນທີ່ຜ່ານມາ ດ້ວຍຈຳນວນທີ່ນັບມື້ນັບຫຼາຍຂຶ້ນ, ໂດຍບໍ່ຫົວຊາຕໍ່ອາກາດເປັນແນວໃດ.”
ໜັງສືພິມນີ້ ກໍ່ຄັດສະເໜີຄຳເວົ້າຂອງທ່ານ ສາດສະດາຈານ Richard Heydarian ສັງກັດມະຫາວິທະຍາໄລ De La Salle ທີ່ໃຫ້ຮູ້ວ່າ ເລື່ອງ ຈີນ ນຳບັນດາກ່ຳປັ່ນນີ້ໄປຍັງເຂດຫີນບາເດົ່າ ແມ່ນພະຍານຫຼັກຖານທີ່ອັນຕະລາຍທີ່ສຸດ.
ໜັງສືພິມ ກໍ່ໄດ້ເຕື້ອງເຖິງທັດສະນະຂອງ ທ່ານ Greg Polling, ຜູ້ອຳນວຍການຂໍ້ລິເລີ່ມໂປງໃສ ໃນການເດີນເຮືອຢູ່ ອາຊີ ເຊິ່ງເປັນອົງການຕິດຕາມການເຄື່ອນໄຫວໃນການເດີນເຮືອຢູ່ທະເລຕາເວັນອອກ ເປັນປະຈຳ ເຊິ່ງໃຫ້ຮູ້ວ່າ: ໄດ້ພົບເຫັນກ່ຳປັ່ນຂອງຈີນ ໄດ້ມີໜ້າຢູ່ເຂດຫີນນີ້ເປັນປະຈຳໃນປີຜ່ານມາ, ແຕ່ວ່າໃນວັນທີ 7 ມີນາທີ່ຜ່ານມາ, ໄດ້ພົບເຫັນຈຳນວນຫຼາຍກ່ຳປັ່ນຢູ່ເຂດນີ້ ແລະ ໄດ້ຮັບການເປີດເຜີຍໃນວັນອາທິດທີ່ຜ່ານມາ ແມ່ນສິ່ງທ້າທາຍທີ່ໃຫຍ່ຫຼວງ.
ວຽດງາ, ນັກຂ່າວ VOV ປະຈຳ ອົດສະຕາລີ
