ទំនាក់ទំនងវៀតណាម-អាមេរិកឆ្ពោះទៅអនាគត។ (vov.vn)         VOV-មុននេះ១៨ឆ្នាំ នាថ្ងៃទី១២កក្កដាឆ្នាំ១៩៩៥ ប្រធានាធិបតីអាមេរិក ពេល​នោះ​លោក Bill Clinton និងនាយករដ្ឋមន្ត្រីវៀតណាមលោក Vo Van Kiet បាន​ប្រកាសស្ដារទំនាក់ទំនងការទូតប្រក្រតីឡើងវិញ ដាក់របត់សំខាន់សំរាប់ ទំនាក់ទំនង​វៀតណាម​និងអាមេរិក។​គិតតាំងពីពេលនោះមក ជាមួយស្មារតី ទុកជាដោយឡែកអតីតកាល ឆ្ពោះ​ទៅអនាគត​ទំនាក់ទំនងរវាងប្រទេសទាំង ពីរបានមានការបោះជំហានវែងលើផ្លូវ​សហប្រតិបត្តិការ។ ឯកអគ្គរដ្ឋទូតវៀត ណាមប្រចាំនៅអាមេរិកលោក Nguyen Quoc Cuong បានចាត់ទុកថា៖          “ក្នុងរយៈពេល២ទស្សវត្សគិតតាំងពីពេលដែលប្រទេសទាំងពីរស្ដារ ទំនាក់ទំនងការទូតប្រក្រតីឡើងវិញ ភាគីទាំងពីរបានកសាងគ្រឹះស្ថានដ៏រឹងមាំ ជាមួយរាល់យន្តការសហប្រតិបត្តិការ​ស្ថិរភាពសំរាប់ទំនាក់ទំនងទ្វេភាគី។ នាបច្ចុប្បន្នប្រទេសទាំងពីរបានបង្កើតបាន​យន្តការសហប្រតិបត្តិការសន្ទនា អំពីនយោបាយ សន្តិសុខ ការពារជាតិ សេដ្ឋកិច្ច អំពីសន្តិសុខអភិវឌ្ឍន៍របស់ ដំបន់អាស៊ី-ប៉ាស៊ីហ្វិក។”         រួមជាមួយទំនាក់ទំនងនយោបាយដ៏ល្អប្រសើរទំនុកទុកចិត្តគ្នាទៅវិញទៅ មក ទំនាក់ទំនងសហប្រតិបត្តិការសេដ្ឋកិច្ចពាណិជ្ជកម្មក៏បានអភិវឌ្ឍន៍យ៉ាងខ្លាំង ដែរ ពិសេស​គឺតាំងពីពេលកិច្ចព្រមព្រៀងពាណិជ្ជកម្មទ្វេភាគីវៀតណាម-អាមេរិក (BTA) មានសុពលភាពពីឆ្នាំ២០០១មក។ តំលៃប្រាក់ពាណិជ្ជកម្មទ្វេភាគីកើនពី៤ រយលានដុល្លារអាមេរិកនាឆ្នាំ១៩៩៥បានកើនឡើងប្រមាណជាង២៥ពាន់លាន ដុល្លារអាមេរិកនាបច្ចុប្បន្ន។ កិច្ចសហប្រតិបត្តិការរវាងប្រទេសទាំងពីរ​ក្នុង​វិស័យ ផ្សេងៗសុទ្ធតែកំពុងអភិវឌ្ឍន៍យ៉ាងខ្លាំង។​ ទន្ទឹមនឹងនោះ ក៏ត្រូវ​និយាយដល់កិច្ច សហប្រតិបត្តិការប្រកបដោយប្រសិទ្ធភាពរវាងប្រទេសទាំងពីរលើបណ្ដាវេទិការ ដំបន់និងអន្តរជាតិ ពិសេសគឺវេទិការសេដ្ឋកិច្ចអាស៊ី-ប៉ាស៊ីហ្វិក (APEC) វេទិការ សន្តិសុខទ្វីបអាស៊ី (ARF) ជាន់ខ្ពស់អាស៊ីបូព៌ា (EAS) ជាដើម។          ក្នុងកាលៈទេសៈដែលវៀតណាមខំប្រឹងប្រែងក្លាយទៅជាប្រទេស ឧស្សាហកម្មតាមទិសទំនើបនាឆ្នាំ២០២០ អាមេរិកជានិច្ចកាលចាត់ទុកវៀតណាម ជាដៃគូ​សំខាន់ក្នុងដំបន់។ វៀតណាមនិងអាមេរិកសុទ្ធតែកំពុងខំប្រឹងប្រែងបន្តការ កសាងនិង​ពង្រឹងទំនាក់ទំនងដៃគូមិត្តភាពសហប្រតិបត្តិការលើច្រើនវិស័យ។ ដូច្នេះដំណើរ​ទស្សនកិច្ចអាមេរិកលើកនេះរបស់ប្រធានរដ្ឋ Truong Tan Sang គឺសំ ដៅកំណត់​ទិសដៅសហប្រតិបត្តិការថ្មី។ ចំណុចសំខាន់មួយក្នុងចំណោមចំណុច​ សហប្រតិបត្តិ​ការ​ធំៗគឺកិច្ចព្រមព្រៀងដៃគូសេដ្ឋកិច្ចអន្តរប៉ាស៊ីហ្វិក (TPP) ជាកិច្ច​ព្រមព្រៀងពាណិជ្ជកម្មសេរីសំខាន់មួយជាមួយការចូលរួមរបស់​ប្រទេសចំនួន ១០នៅជុំវិញប៉ាស៊ីហ្វិក។ ឯកអគ្គរដ្ឋទូត Nguyen Quoc Cuong បានឲ្យ​ដឹង​បន្ថែម ទៀតថា៖         “ប្រទេសទាំងពីរកំពុងសកម្មចូលរួមការចរចារកិច្ចព្រមព្រៀងដៃគូអន្តរ ប៉ាស៊ីហ្វិក (TPP) រួមជាមួយប្រទេសចំនួន១០ផ្សេងៗ និងប្រសិនបើអាចឈានទៅ ការ​ចុះហត្ថលេខានាចុងឆ្នាំនេះ TPP នឹងបើកចេញឱកាសដ៏ធំធេងសំរាប់កិច្ច​សហប្រតិបត្តិការរវាងប្រទេសទាំងពីរក្នុងក្របខ័ណ្ឌទីផ្សារធំទូលាយមួយដោយ មានចំនួនប្រជាជន៨រយលាននាក់និងស្រូបយកប្រមាណ៤០%នៃពាណិជ្ជកម្ម ក៏ដូចជា GDP ពិភពលោកទាំងមូល។”         ក្នុងដំណើរទស្សនកិច្ចជាផ្លូវការនៅអាមេរិកលើកនេះ ប្រធានរដ្ឋវៀតណាម​ លោក Truong Tan Sang នឹងមានកម្មវិធីជួបសន្ទនាជាមួយប្រធានាធិបតី​អាមេរិក​ លោក Barack Obama ផ្លាស់ប្តូរមតិអំពីរាល់ទិសដៅធំៗក្នុងទំនាក់ទំនងរវាង​ ប្រទេស​ទាំងពីរ។ ប្រធានរដ្ឋក៏នឹងជួបសន្ទនាជាមួយដំណាងរដ្ឋអំណាច រដ្ឋសភា អង្គការអន្តរជាតិមួយចំនួន មជ្ឈដ្ឋានអ្នកប្រាជ្ញា អង្គភាពអាជីវកម្មអាមេរិកនិង​សហគមន៍ជនវៀតណាមនៅអាមេរិក។ តាមរយៈនោះបង្កើនថែមទៀតទំនាក់​ទំនង​វៀតណាមអាមេរិកលើគ្រប់វិស័យ រាប់ទាំងបណ្ដាបញ្ហានៅមានការខ្វែងគំនិតគ្នាអំពី ទស្សនៈ​ទាក់​ទិន​ដល់ប្រជាធិបតេយ្យសិទ្ធិមនុស្សសាសនា។         ដំណើរតស្សនកិច្ចនៅអាមេរិកលើកនេះរបស់ប្រធានរដ្ឋវៀតណាមលោក Truong Tan Sang បន្តអនុវត្តការផ្ដួចផ្ដើមគំនិតគោលមាគ៌ាកិច្ចការបរទេស​ពហុ​ភាគីពហុបែបភាវូបនីយកម្មឯករាជ្យម្ចាស់ការ​បង្កើនសមាហរណកម្ម​អន្តរជាតិ។ តាមនោះវៀតណាមជានិច្ចកាលយកចិត្តទុកដាក់ដល់ទំនាក់ទំនងជាមួយអាមេរិក​និងបន្តអភិវឌ្ឍន៍កិច្ចសហប្រតិបត្តិការជាមួយអាមេរិកលើគោលការណ៍គោរព​ឯករាជ្យអធិបតេយ្យភាព មិនជ្រៀតជ្រែកចូលកិច្ចការផ្ទៃក្នុងរបស់គ្នា​សមភាពនិង​ មាន​ផលប្រយោជន៍រួម។ ដំណើរទស្សនកិច្ចពិតប្រាកដនឹងជារបត់សំខាន់នាំទំនាក់​ទំនងវៀតណាម-អាមេរិកបន្តអភិវឌ្ឍន៍ឡើងកំពស់ថ្មី៕