វៀតណាមធានាបរិយាកាសសន្តិភាពនិងស្ថិរភាពសម្រាប់កិច្ចសហប្រតិបត្តិការនិងការអភិវឌ្ឍ
19/09/2024 09:35
(VOVWORLD) - ថ្ងៃទី ២១ ខែកញ្ញាជារៀងរាល់ឆ្នាំគឺជាទិវាសន្តិភាពអន្តរជាតិ។ សម្រាប់វៀតណាម ការធានាបាននូវបរិយាកាសសន្តិភាពនិងស្ថិរភាពសម្រាប់កិច្ចសហប្រតិបត្តិការ និងការអភិវឌ្ឍ គឺជាមូលដ្ឋានគ្រឹះដ៏សំខាន់ និងជាទិសដៅចុងក្រោយសម្រាប់ការអភិវឌ្ឍប្រកបដោយចីរភាព និងវិបុលភាពក្នុងពិភពលោក ក៏ដូចជានៅតាមប្រទេសនីមួយៗ។ មិនត្រឹមតែរក្សាសន្តិភាពជូនប្រទេសជាតិប៉ុណ្ណោះទេ វៀតណាមបាននិងកំពុងរួមចំណែកចូលក្នុងការងាររក្សាសន្តិភាពរបស់អង្គការសហប្រជាជាតិ និងជាកត្តាសំខាន់រួមចំណែកដល់សន្តិភាពនិងស្ថិរភាពក្នុងតំបន់និងលើពិភពលោក។
វៀតណាមជាប្រទេសដែលស្រឡាញ់សន្តិភាពជាមួយប្រពៃណីនៃសេចក្តីសប្បុរស និងរក្សាចំណងមេត្រីភាព។ ដោយបានឆ្លងកាត់សង្គ្រាមជាច្រើនដើម្បីដណ្តើមឯករាជ្យ និងឯកភាពប្រទេសជាតិ វៀតណាមតែងតែគោរពជាពិសេសចំពោះតម្លៃនៃសន្តិភាព ព្រមទាំងចលនាឲ្យមិត្តភ័ក្តិ និងប្រជាជនជុំវិញពិភពលោកគោរព ការពារ និងខិតខំដើម្បីសន្តិភាព ដើម្បីស្ថាបនាពិភពលោកប្រកបដោយសន្តិភាព។
Related
