ដោយប្រធានបទ “ការសម្រេចបាននូវអនាគតប្រកបដោយចីរភាព” ពិព័រណ៍នេះត្រូវបានសមាគមសេរ៉ាមិចសំណង់វៀតណាម និង MMI Asia (ក្រុមហ៊ុនបុត្រសម្ព័ន្ធរបស់ Messe München GmbH - ក្រុមពិព័រណ៍អន្តរជាតិអាល្លឺម៉ង់) សម្របសម្រួលរៀបចំឡើង។
នៅក្នុងសន្និសីទសារព័ត៌មាននៅថ្ងៃទី៨ ខែតុលា នៅទីក្រុងហាណូយ លោក Nguyen Minh Tuan ប្រធានសមាគមសេរ៉ាមិចសំណង់វៀតណាម បានថ្លែងថា Ceramics & Stone Vietnam ២០២៦ រួមបញ្ចូលគ្នានូវព្រឹត្តិការណ៍ចំនួនពីរ គឺ ASEAN Ceramics និង ASEAN Stone ទៅជាវេទិកាតែមួយ។ ពិព័រណ៍ឆ្នាំនេះត្រូវបានរំពឹងថានឹងប្រមូលផ្តុំសហគ្រាស ក្រុមហ៊ុនផលិត និងម៉ាកយីហោល្បីៗជាង ៣៥០ មកពីអឺរ៉ុប អាស៊ី និងទីផ្សារផ្សេងទៀតនៅទូទាំងពិភពលោក ដោយទាក់ទាញអ្នកទស្សនាជាង ៥០០០នាក់។ លោក ង្វៀន មិញ ទួន បានសង្កត់ធ្ងន់ថា ឧស្សាហកម្មសេរ៉ាមិចអាស៊ីអាគ្នេយ៍កំពុងរីកចម្រើនយ៉ាងឆាប់រហ័ស ដែលក្នុងនោះ វៀតណាមតែងតែជាប់ចំណាត់ថ្នាក់ក្នុងចំណោមប្រទេសផលិតក្បឿងសេរ៉ាមិចជួរមុខនៅលើពិភពលោក។ វៀតណាមជាគោលដៅដ៏ទាក់ទាញពិតប្រាកដ សម្រាប់អ្នកផ្គត់ផ្គង់គ្រឿងចក្រ ឧបករណ៍ និងវត្ថុធាតុដើមសម្រាប់ផលិតសេរ៉ាមិច។
ក្នុងក្របខ័ណ្ឌនៃការតាំងពិព័រណ៍សេរ៉ាមិចនិងថ្មវៀតណាម ឆ្នាំ២០២៦ ក៏នឹងប្រព្រឹត្តទៅសិក្ខាសាលាស្តីពីឧស្សាហកម្មសេរ៉ាមិចនិងថ្មធម្មជាតិ; កម្មវិធីសន្និសីទ និងតភ្ជាប់ពាណិជ្ជកម្មអន្តរជាតិ៕
