ប្រធានាធិបតីអាមេរិកលោក  Donald Trump (រូនថត៖ AFP/VNA) នាយប់ថ្ងៃទី ២៤ ខែតុលា (តាមម៉ោងនៅវៀតណាម) ពោលគឺ នាព្រឹកថ្ងៃទី ២៤ ខែតុលា (តាមម៉ោងនៅសហរដ្ឋអាមេរិក) ប្រធានាធិបតីអាមេរិកលោក  Donald Trump បានទៅបោះឆ្នោតមុនកាលកំណត់នៅរដ្ឋផ្លរីដាជារដ្ឋមួយដែលម្ចាស់សេតវិមានរូបនេះ ត្រូវការសម្លេងគាំទ្ររបស់អ្នកបោះឆ្នោតភាគច្រើន ដើម្បីយកឈ្នះលើគូប្រជែងរបស់ខ្លួន គឺលោក Joe Biden នៃគណបក្សប្រជាធិបតេយ្យ។ លោកប្រធានាធិបតី Trump បានអនុវត្តសិទ្ធិជាពលរដ្ឋរបស់ខ្លួននៅឯកន្លែងបោះឆ្នោតនៅក្នុងបណ្ណាល័យរដ្ឋនេះ។ ទីលំនៅផ្លូវការរបស់លោក Trump នៅពេលដែលលោកមិននៅក្នុងសេតវិមាន គឺជារដ្ឋផ្លរីដា ដែលជាកន្លែងគ្រួសាររបស់លោកជាម្ចាស់រមណីយដ្ឋានធំពីរផងដែរ។ រហូតមកដល់ពេលនេះអ្នកបោះឆ្នោតអាមេរិកប្រមាណ ៥៥ លាននាក់បានទៅបោះឆ្នោតមុនពេលកំណត់ ព្រមទាំងអនុវត្តសិទ្ធិជាពលរដ្ឋរបស់គេផងដែរ ហើយការបោះឆ្នោតប្រធានាធិបតីអាមេរិកឆ្នាំ ២០២០ ទំនងជានឹងមើកឃើញនូវអត្រាចូលរួមការបោះឆ្នោតខ្ពស់បំផុតក្នុងរយៈពេលជាងមួយសតវត្សរ៍កន្លងមកផងដែរ៕