Phó Thủ tướng Hồ Quốc Dũng tiếp Phó Tổng Giám đốc Cơ quan Năng lượng nguyên tử Quốc tế (IAEA) Mikhail Chudakov. Ảnh: VGP/Gia Huy ​ឧបនាយករដ្ឋមន្ត្រីវៀតណាម លោក Ho Quoc Dung បានទទួលជួបជាមួយអនុប្រធាន IAEA លោក Mikhail Chudakov។ រូបថត៖ VGP/Gia Huy ក្នុងជំនួប​នេះ លោក​ឧបនាយករដ្ឋមន្ត្រីបានបញ្ជាក់ពីគោលនយោបាយខ្ជាប់ខ្ជួនរបស់បក្ស រដ្ឋ និងរដ្ឋាភិបាលវៀតណាម ក្នុងការអភិវឌ្ឍថាមពលបរមាណូ ដើម្បី​គោលដៅសន្តិភាព ធានាសុវត្ថិភាព សន្តិសុខ មិនរីកសាយភាយអាវុធនុយក្លេអ៊ែរ និងគោរពតាមសន្ធិសញ្ញាអន្តរជាតិ​ទាំងអស់។ វៀតណាម​វាយតម្លៃខ្ពស់ចំពោះតួនាទី និងកិច្ចខិតខំប្រឹងប្រែងរបស់ IAEA ក្នុងការលើកកម្ពស់ការប្រើប្រាស់ថាមពលបរមាណូសម្រាប់គោលបំណងសន្តិភាព ក៏ដូចជាគាំទ្រដល់ប្រទេសនានាក្នុងការកសាងហេដ្ឋារចនាសម្ព័ន្ធនុយក្លេអ៊ែរ។ ចាប់តាំងពីក្លាយជាសមាជិករបស់ IAEA មក វៀតណាមជានិច្ចកាលចាត់ទុក IAEA ជាដៃគូយុទ្ធសាស្ត្រ និងគួរឱ្យទុកចិត្ត។ សកម្មភាពសហប្រតិបត្តិការត្រូវបានអនុវត្តកាន់តែមានប្រសិទ្ធភាព និងជាក់ស្តែង។ រីឯខ្លួន​វិញ លោក Mikhail Chudakov អនុប្រធាន IAEA បាន​បញ្ជាក់​ថា IAEA ត្រៀម​ខ្លួន​ជា​ស្រេច​ដើម្បី​គាំទ្រ​វៀតណាម​តាម​រយៈ​កម្មវិធី​បណ្តុះបណ្តាល ឧបករណ៍​បច្ចេកទេស និង​ការ​ប្រឹក្សាជំនាញ ក៏ដូចជា​ការត​​ភ្ជាប់​ទំនាក់ទំនង​ជាមួយ​ដៃគូ និង​អ្នកផ្គត់ផ្គង់​អន្តរជាតិ​ដើម្បី​គាំទ្រ​ដល់​ការ​អនុវត្ត​កម្មវិធី​ថាមពល​នុយក្លេអ៊ែរ។ ថ្នាក់ដឹកនាំ IAEA បានសន្យាថា នឹងបន្តអមដំណើរ និងគាំទ្រវៀតណាមក្នុងការសុក្រឹត្យហេដ្ឋារចនាសម្ព័ន្ធ ឆ្ពោះទៅរកការ​អនុវត្តកម្មវិធីថាមពលនុយក្លេអ៊ែរប្រកបដោយសុវត្ថិភាព ប្រសិទ្ធភាព និងអនុលោមតាមស្តង់ដារអន្តរជាតិ៕​