ថ្លែងមតិនៅក្នុងសម័យប្រជុំ មហាសន្និបាតអង្គការសហប្រជាជាតិនីតិកាលទី ៧៣ នៅទីក្រុងញូវយ៉កសហរដ្ឋអាមេរិកនោះ រដ្ឋមន្ត្រីការបរទេសចិនលោក Wang Yi បានប្រកាសថានឹងមិនដាក់របាំងទីផ្សារចំពោះបណ្ដាប្រទេស ព្រមទាំងនឹងបើកចំហទីផ្សារវិនិយោគអន្តរជាតិថែមទៀត។ រដ្ឋមន្ត្រីការបរទេសចិនលោក Wang Yi បានលើកឡើងយ៉ាងច្បាស់ថា"ចិននឹងបើកទូលាយ បន្ថែមទៀតទៅកាន់ពិភពលោក។ ចិននឹងមិនដាក់របងទីផ្សារ ហើយនឹងបើកទូលាយការទាក់ទងជាមួយទីផ្សារចិន។

រដ្ឋមន្ត្រីការបរទេសចិនលោក Wang Yi បានថ្លែងយ៉ាងដូច្នេះ ខណៈដែលភាពតានតឹងខាងពាណិជ្ជកម្មរវាងអាមេរិក និងចិនបានកើនឡើងកម្រិតខ្ពស់ ខណៈដែលរដ្ឋមន្ត្រីពាណិជ្ជកម្មចិន នាថ្ងៃទី ១៨ ខែកញ្ញា បានប្រកាសថា នឹងដាក់ពាក្យបណ្ដឹងអាមេរិកទៅកាន់អង្គការពាណិជ្ជកម្មពិភពលោក (WTO) ដែលទាក់ទិននឹងការដែល វ៉ាស៊ីនតោន ដំឡើង ពន្ធ 10% លើទំនិញនាំចូលពីចិន ក្នុងតម្លៃ 200 ពាន់លានដុល្លារអាមេរិក៕