ស្ថានភាពអេហ្ស៊ីបនឹងបន្តអស្ថិរភាពដោយសារការធ្វើបាតុកម្មគាំទ្រលោក Morsi នឹងបន្តកើតមានឡើងនាពេលខាងមុខ (Reuters)         Vovworld-តាមចៅក្រមនៃតុលាការជំនុំជំរះអតីតប្រធានាធិបតីអេហ្ស៊ីប Mohamed Morsi ថា សវនការនេះនឹងប្រព្រឹត្តទៅនាថ្ងៃទី៨មករាឆ្នាំ២០១៤។ មុន នោះ តុលាការ​​បានបើកសវនការនាថ្ងៃទី៤វិច្ឆិកាត្រូវតាមផែនការ ប៉ុន្តែត្រូវ​ផ្អាក​២ លើកដោយសារ​ជនជាប់ចោទជាសមាជិករបស់អង្គការភាតរៈឥស្លាមបានស្រែក ហោរទិសស្លោកប្រឆាំងជំទាស់តុលាការនិងកងទ័ព។ រីឯលោក Morsi បាន​អះអាង​ ថា​លោកជាប្រធានាធិបតី​ស្រប​ច្បាប់​និងការដែលផ្ដួលរលំលោកជាសកម្មភាព​អាម៉ាស់និងជាឧក្រិដ្ឋកម្ម។ តាម​ទូរទស្សន៍​ជាតិអេហ្សីបថា ក្រោយពីសវនការ បញ្ចប់ លោក Morsi នឹងបាន​បញ្ជូនទៅពន្ធនាគារ Borg Al Arab នៅ Alexandria។         លោក Morsi ត្រូវជំនុំជំរះរួមជាមួយមេដឹកនាំចំនួន១៤រូបទៀតរបស់អង្គការ​ ភាតរៈ​ឥស្លាម (MB) ពីបទបង្កញុះញង់ឲ្យមានអំពើហឹង្សានិងសម្លាប់បាតុករនៅ​មុខ​ វិមាន​ប្រធានាធិបតីនាខែធ្នូឆ្នាំ២០១២។ ប្រសិនបើត្រូវតុលាការចាត់ទុករំលោភ​ ច្បាប់​នោះ លោក Morsi អាចប្រឈមមុខនឹងសាលក្រមដាក់គុកអស់មួយជីវិតរឺ​ ប្រហារជីវិត។ មជ្ឈដ្ឋាន​អ្នកវិភាគព្រួយបារម្មណ៍ថា ស្ថានភាពអេហ្ស៊ីបនឹងបន្ត​ អស្ថិរភាព​ដោយសារការ​ធ្វើបាតុកម្មគាំទ្រលោក Morsi នឹងបន្តកើតមានឡើង​ នាពេលខាងមុខ៕